29 October 2020

News Flash

किसान संघर्ष समितीच्या ‘भारत बंद’मध्ये ‘स्वाभिमानी’ होणार सहभागी

२५ सप्टेंबर रोजी पुकारला बंद

संग्रहित

अखिल भारतीय किसान संघर्ष समन्वय समितीच्यावतीने २५ सप्टेंबर रोजी पुकारलेल्या भारत बंदमध्ये स्वाभिमानी शेतकरी संघटना सहभागी होणार आहे, अशी माहिती स्वाभिमानी शेतकरी संघटनेचे संस्थापक अध्यक्ष राजू शेट्टी यांनी बुधवारी येथे दिली.

मोदी सरकारने संसदेत मांडलेल्या तीन शेतकरी विधेयकांना मंजुरी मिळाली आहे. मात्र, या विधेयकांना मंजुरी मिळाल्याने याचे तीव्र पडसाद सध्या देशभरात उमटत आहेत. देशातील शेतकऱ्यांची संघटना असलेल्या अखिल भारतीय किसान संघर्ष समन्वय समितीने या विधेयकांचा तीव्र विरोध केला असून यांमधून शेतकऱ्यांना कोणताच लाभ होणार नसल्याचे म्हटले आहे.

दरम्यान, सरकार हमीभावातून शेतकऱ्यांना बाजूला सारत आहे. या शेतकरी धोरणाविरोधात देशभरातील शेतकरी संघटनानी या विधेयकाच्या विरोधात २५ सप्टेंबर रोजी भारत बंद पुकारला आहे. या बंदला स्वाभिमानी शेतकरी संघटनेचा पाठिंबा असून राज्यातील शेतकऱ्यांनी केंद्र सरकारने शेतकरी कायदा मंजूर केल्याच्या विरोधात कडकडीत बंद पाळावा, असे आवाहनही त्यांनी केले आहे.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on September 23, 2020 6:58 pm

Web Title: swabhimani shetkari sanghatana will be participating in kisan sangharsh samitis bharat bandh aau 85
Next Stories
1 ज्येष्ठ अभिनेत्री सरोज सुखटणकर यांचं निधन
2 कोल्हापूर पालिका निवडणूक मुदतीत अशक्य
3 मराठा आरक्षण: महानगरांचा दूध पुरवठा रोखण्यासाठी कोल्हापुरात आंदोलन
Just Now!
X