News Flash

ट्रॅक्टरच्या धडकेत दोन शाळकरी विद्यार्थी ठार

कोल्हापूर-गगनबावडा रोड अपघात

कोल्हापूर-गगनबावडा रोडवर तिसंगी गावाजवळ मंगळवारी उसाने भरलेल्या ट्रॅक्टरशी  धडक होऊन झालेल्या अपघातात सायकलस्वार २ शाळकरी विद्यार्थी जागीच ठार झाले. अविनाश रंगराव पाटील, वय आणि पृथ्वीराज नेताजी सूर्यवंशी, (वय १५)  अशी  मृत विद्यार्थ्यांची नावे आहेत.
तिसंगी, ता. गगनबावडा येथील माध्यमिक विद्यालयातील दहावीत शिकणाऱ्या  विद्यार्थ्यांचा आज  निरोप समारंभ होता, त्यामुळे शाळा दुपारऐवजी सकाळी भरवण्यात आली होती. सकाळी १०.३० वाजण्याच्या सुमारास शाळा सुटली. शाळेपासून सुमारे दीड किमी अंतरावर अविनाश व पृथ्वीराज यांचे घर आहे. दोघेही शाळेतून सायकलवरून परतत असताना घाडगे यांच्या घराजवळ हा अपघात झाला. समोरून येणाऱ्या उसाने भरलेल्या ट्रॅक्टरने  धडक दिल्याने दोघेही उडून बाजूला जाऊन फेकले गेले. गगनबावडा पंचायत समितीचे माझी सदस्य बंकट थोडगे व इतरांनी अपघातात सापडलेल्या दोघांना कोल्हापूरच्या रुग्णालयामध्ये दाखल केले. वैद्यकीय सूत्रांनी तपासणी केल्यानंतर ते मृत्यू पावल्याचे सांगितले. अविनाश आणि पृथ्वीराज यांच्या मृत्यूमुळे तिसंगी गावावर शोककळा पसरली. पृथ्वीराजला दोन बहिणी आहेत.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on February 24, 2016 3:40 am

Web Title: two school students killed in tractor accident
टॅग : Killed,Kolhapur
Next Stories
1 हद्दवाढीस विरोध करणा-यांचा गैरसमज दूर करण्याचा ठराव
2 हिंदुराष्ट्र करण्याचा भाजपचा डाव- येचुरी
3 सोलापूर-कोल्हापूर रस्ते चौपदरीकरण; ८० टक्के भूसंपादनाची प्रतीक्षा
Just Now!
X