गुंगीकारक औषधांच्या अवैध विक्रीवर लक्ष ठेवण्यासाठी जिल्ह्यातील सर्व किरकोळ औषध दुकान चालकांनी दुकानांमध्ये एक महिन्याच्या आत सी.सी.टी.व्ही. कॅमेरे बसवावेत, असा आदेश जिल्हादंडाधिकारी राहुल रेखावार यांनी मंगळवारी दिला आहे. सी.सी.टी.व्ही.कॅमेऱ्याचे फुटेज आवश्यकतेप्रमाणे औषध निरीक्षक, बालकल्याण पोलीस अधिकारी,शासन अथवा जिल्हादंडाधिकारी यांनी नियुक्त केलेल्या अधिकारी,कर्मचारी यांना पडताळणीसाठी उपलब्ध करुन देणे बंधनकारक आहे. हेही वाचा- कोल्हापूर: धामणी प्रकल्पासाठी शक्तिशाली भूसुरुंगाचा वापर, घरांना तडे; उद्या मंगळवारी बैठक तर कायदेशीर कारवाई याबाबींचे पालन करुन घेण्याची जबाबदारी सहायक आयुक्त (औषधे) जिल्ह्यातील अन्न व औषध प्रशासन यांची राहील. आदेशाची किरकोळ औषध विक्रेत्याने उल्लंघन केल्यास कायद्यातील तरतुदींप्रमाणे दिवाणी अथवा फौजदारी कारवाई करण्यात येईल, असेही प्रशासनामार्फत कळविण्यात आले आहे.
