कोल्हापूर: महाविकास आघाडीने आज कोल्हापूर महापालिकेजवळ उच्च व तंत्र शिक्षण मंत्री चंद्रकांत पाटील यांच्या विरोधात निदर्शने केली. थोर पुरुषांनी शिक्षा संस्था चालवल्या, या त्यांच्या विधानाचा यावेळी निषेध करण्यात आला. भाजप, चंद्रकांत पाटील यांच्या विरोधात घोषणाबाजी करण्यात आली. हेही वाचा >>> कोल्हापूर: चंद्रकांतदादांची सातत्याने वादग्रस्त विधाने; ‘माफी मागण्याची ही त्यांची…’ हसन मुश्रीफ यांची प्रतिक्रिया मंत्री चंद्रकांत पाटील यांच्यावर अॅट्रॉसिटीचा गुन्हा दाखल करा, अशी मागणी जिल्हाधिकाऱ्यांकडे निवेदनाद्वारे करण्यात आली. आंदोलनात राष्ट्रवादी काँग्रेसचे माजी महापौर आर. के. पोवार, शिवसेनेचे जिल्हाप्रमुख विजय देवणे, काँग्रेसचे शहर अध्यक्ष सचिन चव्हाण यांच्यासह कार्यकर्ते पदाधिकारी सहभागी झाले होते.