कोल्हापूर : कोल्हापूर जिल्हा सहकारी दूध उत्पादक संघाने (गोकुळ ) ‘हलाल’ प्रमाणपत्र घेतल्याचे समोर आले आहे. ‘हलाल’प्रमाणपत्र देणारी ‘जमियत उलेमा ए हिंद’ ही संघटना ७०० हून अधिक आतंकवाद्यांचे खटले लढवते. हा पैसा प्रमाणपत्र घेणाऱ्यांच्या माध्यमातून गोळा करत आहे. सामान्य शेतकर्याला न कळता ‘गोकुळ’चा पैसा ‘हलाल’साठी वापरणे ही फसवणूकच आहे, अशी भूमिका हिंदु जनजागृती समितीचे राष्ट्रीय प्रवक्ते श्री. रमेश शिंदे यांनी सोमवारी पत्रकार परिषदेत दिली.
सन २०१३ मध्ये चालू झालेली हलाल अर्थव्यवस्था आज २.१ अमेरिकन ट्रिलियन डॉलर्सपर्यंत (१७९.६ लाख कोटी रुपये) पोचली आहे. त्यामुळे ‘हलाल’ अर्थव्यवस्था ही भारतीय अर्थव्यवस्थेला मोठा धोका असल्याने भारत ‘हलाल’मुक्त झाला पाहिजे, अशी मागणी त्यांनी केली.
गोकुळ’दूध संघाने नुकतेच ‘हलाल’प्रमाणपत्र घेतल्याचे समोर आले आहे, तरी एकूणच ‘हलाल’ ही आधारित अर्थव्यवस्था कशी घातक आहे, या प्रमाणपत्राद्वारे मिळणारा निधी कुठे आणि कसा वापरला जातो या संदर्भात माहिती देण्यासाठी ‘हलाल जिहाद ?’ या पुस्तकाचे लेखक आणि हिंदु जनजागृती समितीचे राष्ट्रीय प्रवक्ते श्री. रमेश शिंदे यांची एक महत्त्वपूर्ण पत्रकार परिषद आयोजित केली. होती. यावेळी ते बोलत होते.
या प्रसंगी हिंदू एकता आंदोलनाचे गजानन गुरव, महाराजा प्रतिष्ठानचे संस्थापक निरंजन शिंदे, ‘मराठा तितुका मेळवावा’चे योगेश केरकर, उद्धव बाळासाहेब ठाकरे पक्षाचे उपजिल्हाप्रमुख संभाजीराव भोकरे, हिंदु जनजागृती समितीचे शिवानंद स्वामी, शिवसेनेचे किशोर घाटगे, मंदिर महासंघाचे अशोक गुरव उपस्थित होते.
महाराष्ट्र राज्य हे देशातील ५ व्या क्रमांकाचे दूध उत्पादक राज्य आहे. राज्यात होणार्या एकूण उत्पन्नाच्या २.५ दशलक्ष लिटर दुधाची कमतरता आपल्याला असून अशा स्थितीत आपल्याला दूध निर्यात करण्याची आवश्यकताच काय ? जगातील १९२ देशांनी जर ‘भारतीय अन्न सुरक्षा आणि मानके प्राधिकरण’ ला मान्यता दिली आहे. तर भारतात मात्र धर्मावर आधारीत ‘हलाल’ प्रमाणपत्राला आपण मान्यता का देतो ? ‘भारतीय अन्न सुरक्षा आणि मानके प्राधिकरण’ने एखाद्या पदार्थाच्या सर्व चाचण्या केल्यावर ‘यात मांसाशी संबंधित कोणतेही पदार्थ नाही’, असे सांगितले. तर त्यांच्यावर विश्वास न ठेवता आणखी एका ‘हलाल’ प्रमाणपत्राची आवश्यकता काय? प्रारंभी केवळ ‘मांसापुरती’ मर्यादित असलेेले ‘हलाल प्रमाणपत्र’ दूध, तुलसी अर्क, साखर, ‘डेटिंग ऍप’, निवासी संकुल, शेअर बाजार यांपासून आज बहुतांश प्रत्येक जीवनोपयोगी उत्पादन ‘हलाल प्रमाणित’ आहे.
हिंदू घेत असलेली जवळपास प्रत्येक वस्तू ‘हलाल’असून हिंदूंच्या खिशातून जाणारा पैसा हा ‘हलाल’साठी खर्च केला जातो. ‘हलाल’मध्ये केवळ मुसलमानांच्या धार्मिकतेचा विचार केला असून यात हिंदूंसाठी पवित्र असलेली गोमातेच्या संदर्भातील कोणतेही उत्पादन वापरले जाणार नाही याची कोणतीही खात्री देत नाही, असे शिवानंद स्वामी यांनी सांगितले.
