कोल्हापुरात पोलीस नाकाबंदीत ६२ लाखांची रक्कम पकडली

कोल्हापूर शहरात प्रवेश केल्यानंतर या गाडीच्या तपासणीत ही रक्कम आढळून आली.

(संग्रहित छायाचित्र)

कोल्हापूर : लोकसभा निवडणुकीच्या पाश्र्वभूमीवर पोलिसांकडून सुरू असलेल्या नाकाबंदीत मोटारीतून ६२लाख ६८ हजार रुपयांची रोख रक्कम पकडण्यात आली आहे. जिल्ह्यातील ही सर्वात मोठी कारवाई असून,आतापर्यंत अशाप्रकारे एक कोटीहून अधिक रक्कम पकडण्यात आली आहे.

सोमवारी करण्यात आलेल्या या कारवाईत पकडण्यात आलेली ही रक्कम शशिकांत भीमा चिगरी (२८,रा. पाचगाव,ता.करवीर) यांच्याकडे मिळाली. या रकमेबाबत चौकशी करून, यासंदर्भात कागदपत्रे सादर करण्यास सांगितले असता त्यांनी असमर्थता दर्शविल्याने ही सर्व रक्कम पंचनामा करून पुढील चौकशीसाठी ताब्यात घेण्यात आली आहे.

आज दुपारी दीडच्या सुमारास पुणे—बेंगलोर राष्ट्रीय महामार्गावरुन कोल्हापूर शहरात प्रवेश केल्यानंतर या गाडीच्या तपासणीत ही रक्कम आढळून आली. ही कारवाई शाहुपुरी पोलिस ठाण्याचे पोलिस निरीक्षक संजय मोरे,हर्षजित घाटगे,नोडल ऑफिसर, आचारसहिंता व्यवस्थापन, २७६ विधानसभा मतदारसंघ, पो.उपनिरीक्षक आदिंनी केली. या रकमेच्या अधिक चौकशीसाठी आयकर विभागाला कळविण्यात आले आहे.

Loksatta Telegram लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

मराठीतील सर्व कोल्हापूर बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App. ताज्या बातम्या (latest News) फेसबुक , ट्विटरवरही वाचता येतील.

Web Title: Kolhapur police caught amount of rs 62 lakh in blockade

ताज्या बातम्या