Murder of wife son daughter suspicion of character triple murder ysh 95 | Loksatta

चारित्र्याच्या संशयावरून पत्नी, मुलगा, मुलीचा खून; तिहेरी हत्याकांडाने कागल हादरले

चारित्र्याच्या संशयावरून पत्नीचा खून करून नंतर दोन मुलांचा खून केल्याचा प्रकार कागल शहरात उघडकीस आला आहे.

चारित्र्याच्या संशयावरून पत्नी, मुलगा, मुलीचा खून; तिहेरी हत्याकांडाने कागल हादरले
( प्रतिनिधिक छायाचित्र )

कोल्हापूर : चारित्र्याच्या संशयावरून पत्नीचा खून करून नंतर दोन मुलांचा खून केल्याचा प्रकार कागल शहरात उघडकीस आला आहे. हा गुन्हा केल्यानंतर संशयित आरोपी पती प्रकाश बाळासाहेब माळी (वय ४२) हा स्वत:हून कागल पोलीस ठाण्यात हजर राहिला. त्याला बुधवारी न्यायालयात हजर केले असता २ दिवस पोलीस कोठडी देण्याचा आदेश देण्यात आला. शांत डोक्याने त्याने कुटुंबातील हत्याकांड केल्याने कागल शहर हादरून गेले.

 काल दुपारी दोन वाजल्यापासून आठ वाजेपर्यंत ही घटना घडत राहिली. प्रकाश माळी हा कागल शहरातील काळम्मावाडी वसाहतीजवळील घरकुलमध्ये पत्नी, मुलगा व मुलीसह राहतो. पत्नी गायत्री (वय ३७) कुणाशी तरी भ्रमणध्वनीवर बोलत असल्याचा रागातून दोघांमध्ये जोरदार भांडण झाले. या वेळी प्रकाशने गायत्री हिचा गळा आवळून खून केला. आठवीत शिकणारा मुलगा कृष्णात (वय १३) हा सायंकाळी शाळेतून घरी परत आला. त्याने हा प्रकार पाहून ‘पप्पा असे का केले?’ असे विचारले. आपल्यानंतर मुलांचा सांभाळ कोण करणार? या शंकेने प्रकाशने त्याचा मुलगा कृष्णात यालाही दोरीने गळा आवळून ठार मारले. रात्री आठच्या सुमारास अकरावीत शिकणारी मुलगी अदिती (वय १७) ही घरी आली. ती ही घटना पाहून दंगा करणार हे लक्षात घेऊन तिलाही मारण्याचा प्रयत्न केला. ती आरडाओरड करत असताना प्रकाशने तिच्या डोक्यात वरवंटा मारला व त्यानंतर गळावरून खून केला. प्रकाश हा हमीदवाडा साखर कारखान्यात कामगार होता. त्याची पत्नी गायत्रीबरोबर नेहमी वाद होत असे.

मराठीतील सर्व कोल्हापूर ( Kolhapur ) बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App.

Next Story
कोल्हापूर, कोकण परिसरात व्याघ्रदर्शन; आठ वाघांची हालचाल कॅमेऱ्याने टिपली

संबंधित बातम्या

कोल्हापूरमध्ये फुटबॉल ज्वर
मुंबई विद्यापीठाच्या प्रभारी कुलगुरूपदी डॉ. दिगंबर शिर्के

व्हिडिओ

ताज्या बातम्या
Smartphone Tips and Tricks: तुम्हालाही स्मार्टफोनमध्ये खाजगी फोटो, व्हिडीओ लपवायचे आहे? ‘या’ सोप्या पद्धतीने तयार करा ‘हिडन फोल्डर’
FIFA World Cup 2022; इंग्लंड-वेल्सचे चाहते एकमेकांसोबत भिडले; खुर्च्या आणि लाथांनी केली मारहाण, पाहा व्हिडिओ
“मन भरलं म्हणून…” घटस्फोटाच्या चर्चांवरुन ट्रोल करणाऱ्यांना मानसी नाईकचे सडेतोड उत्तर
Viral Video: चक्क चालत चालत त्याने पार्क केला ट्रक; व्हिडीओ पाहून नेटकरी पडले बुचकळ्यात
पुणे: कांदा, टोमॅटो, फ्लाॅवर, कोबी, घेवड्याच्या दरात घट