Video : सांगली – ईश्वरपुरमध्ये बिबट्याचे आगमन आणि बचाव मोहीमेचा सात तास थरार

ईडरपूर-संभुआप्पा मठ परिसरात  भरवस्तीत असणार्‍या उरुण परिसरात बिबट्या आल्याने एकच खळबळ माजली. माजी नगराध्यक्ष विजयभाउ पाटील यांच्या घराजवळ मोटारीखाली बिबट्या दिसला. याची माहिती तात्काळ वनविभागाला देण्यात आली. वनविभागाचे अधिकारी बिबट्याला पकडण्यासाठी आवश्यक साहित्य घेउन घटनास्थळी तात्काळ दाखल झाले.

मोटारीखाली लपलेल्या बिबट्याला जाळी टाकून पकडण्याचे वन कर्मचार्‍यांचे प्रयत्न होते. मात्र, चपळतेने कर्मचार्‍यांना हुलकावणी देत बिबटया क्षणार्धात दूर झाला. परिसरातील नागरिकांचा आवाज आल्याने बिबट्या महादेव मंदिराच्या पाठीमागील झुडपात जाऊन बसला. या ठिकाणी वन विभागाने सापळा लावला. झुझूपातून बाहेर आलेला बिबट्या लोकांच्या ओरडण्याने पुन्हा जाउन झुडुपात लपला. सलग सात तास बिबट्याला पकडण्याचे प्रयत्न वन कर्मचारी करत होते.

View this post on Instagram

A post shared by Loksatta (@loksattalive)

अखेर दुपारी दोन वाजणेच्या सुमारास बिबट्याला बेशुध्द करून पकडण्यात वन विभागाला यश आले. त्याला सुरक्षित स्थळी हलविण्यात आले असून त्याची वैद्यकीय तपासणी करून अधिवासात सोडण्यात येणार असल्याचे वन विभागाच्या अधिकार्‍यांनी सांगितले. बिबट्याला पकडण्याचा थरार ईश्‍वरपूर वासिय सलग सात तास अनुभवत होते.राजकीय कार्यकर्तेही या ठिकाणी थांबूेन होते. वाळवा तालुक्यात उसाचे क्षेत्र असल्याने काही बिबट्यांचा या उसात अधिवास असून यापेकीच एक बिबट्या आज लोकवस्तीत आला असावा असा कयास आहे.