सांगली: एकतर्फी प्रेमातून होणाऱ्या त्रासाला कंटाळून युवतीची आत्महत्या

याबाबत माहिती अशी, कोल्हापूरमध्ये खासगी नोकरी करत असलेला तरूण सावंतपूरमध्ये वास्तव्य असलेल्या पिडीत तरूणीला वारंवार मोबाईलवर संदेश पाठवून तर कधी फोन करून संपर्क साधत होता. यावेळी माझे तुझ्यावर प्रेम आहे, तूही माझ्यावर प्रेम कर अशी वारंवार विनंती करत होता. या सततच्या संदेशामुळे आणि फोनमुळे होणार्‍या त्रासास कंटाळून तरूणींने राहत्या घरी गळफास घेउन आत्महत्या केली. या प्रकरणी तक्रार दाखल होताच संशयित तरूणाला आत्महत्येस प्रवृत्त केल्याच्या आरोपाखाली अटक करण्यात आली आहे.