scorecardresearch

Premium

शॉक लागून तरुणाचा मृत्यू

तरुण यंत्रमागधारकाच्या दुर्दैवी मृत्यूने हळहळ व्यक्त

शॉक लागून तरुणाचा मृत्यू

इचलकरंजी येथील साईनगर परिसरातील तरुण यंत्रमागधारकाचा इलेक्ट्रिक मोटारीचा शॉक लागून झालेल्या दुर्घटनेत मृत्यू झाला. उमेश बी. शेट्टी (वय ३२, रा. लिगाडे मळा) असे त्याचे नाव आहे. या घटनेची नोंद शिवाजीनगर पोलिसात करण्यात आली आहे.
साईनगर गल्ली नं. तीनमध्ये असलेला संजय पांडुरंग पोवार यांचा कारखाना उमेश शेट्टी यांनी चालविण्यास घेतला होता. या कारखान्यात उमेश स्वतही काम करीत असे. बुधवारी दुपारच्या सुमारास काम करत असताना यंत्रमागावरील इलेक्ट्रिक मोटारीचा उमेश यांना शॉक लागला. त्यामध्ये उमेश हे जागीच कोसळले. परिसरातील नागरिकांनी त्यांना तातडीने पालिकेच्या आयजीएम इस्पितळात उपचारासाठी दाखल केला. मात्र उपचारापूर्वीच त्यांचा मृत्यू झाला असल्याचे वैद्यकिय अधिकाऱ्यांनी सांगितले. एका तरुण यंत्रमागधारकाचा असा दुर्दैवी मृत्यू झाल्याने हळहळ व्यक्त होत आहे. उमेश यांच्या पश्चात पत्नी, दोन मुले, आई, वडील, भाऊ, बहीण असा परिवार आहे.

Latest Comment
View All Comments
Post Comment

Kolhapur News (कोल्हापूर न्यूज), Maharashtra News, Marathi News (मराठीतील बातम्या) वाचण्यासाठी डाउनलोड करा लोकसत्ताचं Marathi News App.

Web Title: Young deaths due to shok

First published on: 14-01-2016 at 03:15 IST

आजचा ई-पेपर : कोल्हापूर

वाचा
epaper image

संबंधित बातम्या

तुम्ही या बातम्या वाचल्या आहेत का? ×