दुबई : भारताविरुद्ध चालू वर्षांअखेरीस होणाऱ्या ऑस्ट्रेलियातील कसोटी मालिकेत २५ टक्के प्रेक्षकांना परवानगी मिळावी, अशी अपेक्षा सलामीवीर डेव्हिड वॉर्नरने व्यक्त केली आहे. ‘‘भारत आणि ऑस्ट्रेलिया हे दोन बलाढय़ संघ एकमेकांविरुद्ध खेळणार आहेत. काही फुटबॉल लढतींना २५ टक्के प्रेक्षकांना परवानगी मिळायला सुरुवात झाली आहे. त्याप्रमाणे भारताविरुद्धच्या मालिकेसाठी २५ टक्के प्रेक्षक मैदानात उपस्थित राहिवेत,’’ असे वॉर्नरने सांगितले. ‘‘यंदा आयपीएलमध्ये खेळताना बराच काळ कुटुंबापासून दूर राहावे लागणार आहे. मात्र क्रि के ट स्पर्धाना सुरुवात झाली ही समाधानकारक बाब आहे,’’ असे वॉर्नरने सांगितले.
