काश्मीरच्या बारामुल्ला येथील 23 वर्षीय सायकलपटू आदिल तेलीने गिनिज बुकमध्ये नवा विक्रम नोंदवला आहे. आदिलने काश्मीर ते कन्याकुमारीपर्यंतचा म्हणजेच 3600 किमीचा प्रवास 8 दिवस दीड तासात पूर्ण केला. त्याने नाशिकच्या 17 वर्षीय ओम महाजनला मागे टाकले. ओमने नोव्हेंबर 2020मध्ये हाच प्रवास 8 दिवस 7 तास आणि 38 मिनिटात पूर्ण केला होता. Congratulations @ImAdilteli Adil broke the world record of cycling from kashmir to kanyakumari. Cycled 3600 kms in 8 days 1 hr and 30 minutes only. Previous record was 8 days 7 hours 38 minutes by Om Mahajan. Please show some love Share and retweet. pic.twitter.com/kjolRPqabw — Sardar Nasir Ali Khan (@RJNASIROFFICIAL) March 30, 2021 आदिलने सोमवारी 22 मार्च 2021 रोजी सकाळी 7 वाजता आपला प्रवास सुरू केला. श्रीनगरच्या लाल चौक येथील क्लॉक टॉवर येथून त्याने आपल्या प्रवासाची सुरुवात केली. मंगळवार 30 मार्च रोजी सकाळी 8 वाजता त्याने आपले लक्ष्य गाठले. आदिलने राज्यस्तरावर आणि काश्मीर विद्यापीठासाठी अनेकवेळा चांगली कामगिरी केली आहे. त्याने श्रीनगर ते लेह दरम्यानचे 44 किमी अंतर 26 तास 30 मिनिटांत पार केले होते.