27 February 2021

News Flash

दुर्दैवी ! अफगाणिस्तानचे क्रिकेट पंच शिनवारी यांचा बॉम्बस्फोटात मृत्यू

नांगरहर प्रांतात झाला बॉम्बस्फोट

अफगाणिस्तानचे क्रिकेट पंच बिसमिल्ला जन शिनवारी यांचा बॉम्बस्फोटात मृत्यू झाला आहे. ३ ऑक्टोबर रोजी ही दुर्दैवी घटना घडली. अफगाणिस्तानच्या नांगरहर प्रांतात झालेल्या शक्तीशाली बॉम्बस्फोटात शिनवारी आणि त्यांच्या परिवारातील सात जणांनाही आपले प्राण गमवावे लागले आहेत. अफगाणिस्तानमधील स्थानिक प्रसारमाध्यमांनी दिलेल्या बातमीनुसार, या बॉम्पस्फोटात एकूण १५ जणांनी आपले प्राण गमावले असून ३० पेक्षा जास्त लोकं जखमी झाले आहेत. नांगरहर प्रांतातील गवर्नर कंपाऊंड भागात हा स्फोट झाला.

३६ वर्षीय शिनवारी अफगाणिस्तानमध्ये स्थानिक सामन्यांमध्ये पंच म्हणून काम करायचे. याव्यतिरीक्त काही आंतरराष्ट्रीय सामन्यांमध्येही त्यांनी पंच म्हणून काम पाहिलं आहे. दुपारी १२ वाजून २० मिनीटांनी फुटीरतावादी गटाचे काही अतिरेकी गवर्नर कंपाऊंड भागात शिरण्याचा प्रयत्न करत होते. परंतू अफगाणी सैन आणि पोलिसांना त्यांचा हा प्रयत्न हाणून पाडला. या धुमश्चक्रीत फुटीरतावादी गटातील अतिरेक्यांनी हा स्फोट केला ज्यात शिनवारी यांच्यासह १५ जणांनी आपले प्राण गमावले.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on October 5, 2020 3:43 pm

Web Title: afghanistan umpire shinwari dies in bomb blast psd 91
Next Stories
1 ‘द ग्रेट खली’चा सामना करणं सोप नव्हे; WWE सुपरस्टार सेथ रॉलिन्सने केली भारतीय रेसलरची स्तुती
2 फ्रेंच खुली टेनिस स्पर्धा  : झ्वेरेव्ह, हॅलेपचे आव्हान संपुष्टात
3 जतलरण प्रशिक्षक आणि जीवरक्षक बेरोजगार
Just Now!
X