News Flash

भारताच्या ‘त्या’ थरारक विजयानंतर शिक्षकाचा हार्ट अॅटॅकने मृत्यू

अंतिम सामना पाहताना अनेकांचा श्वास रोखला गेला होता.

( संग्रहीत प्रतिकात्मक छायाचित्र )

निदहास ट्रॉफीमध्ये भारत आणि बांगलादेश यांच्यातील अंतिम सामना पाहताना अनेकांचा श्वास रोखला गेला होता. शेवटचे षटक पाहताना तर अनेकांच्या ह्दयाचे ठोके वाढले होते. दिनेश कार्तिकने शेवटच्या चेंडूवर षटकार ठोकून भारताला विजय मिळवून दिल्यानंतर अनेकांनी सुटकेचा निश्वास सोडला पण गुजरातच्या वलसाडमध्ये एका ६२ वर्षीय निवृत्त शिक्षकाला ह्दयविकाराचा झटका आला. सामना संपल्यानंतर काही क्षणातच प्रविण पटेल वनकल गावातील आपल्या घरात कोसळले.

त्यांना लगेचच धर्मपूर येथील रुग्णालयात नेण्यात आले पण डॉक्टरांनी त्यांना मृत घोषित केले. प्रविण पटेल क्रिकेटचे खूप मोठे चाहते आहे. क्रिकेटचा कुठलाही सामना ते चुकवत नाहीत. कुटुंबिय, मित्रमंडळींसोबत बसून ते तासनतास सामना पाहतात असे त्यांच्या कुटुंबियांनी सांगितले.

आम्ही सर्वजण एकत्र बसून सामना पाहत होतो. संपूर्ण कुटुंब आणि काही मित्रही तिथे उपस्थित होते. सामना संपल्यानंतर माझे वडिल लगेच भोवळ येऊन खाली कोसळले असे त्यांचा मुलगा प्रफुल्ल पटेल (३०) याने सांगितले. त्यांना ह्दयविकाराच्या आजाराचा कोणाताही इतिहास नव्हता असे प्रफुल्लने सांगितले.

 

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on March 21, 2018 5:30 pm

Web Title: after india win man died by heart attack
टॅग : Bangladesh
Next Stories
1 भारत-विंडीज वन-डे सामना कोचीऐवजी थिरुअनंतपुरमला, लवकरच अधिकृत घोषणा होणार
2 मोहम्मद शमीची पत्नी हसीन जहाँ ममता बॅनर्जींना भेटणार
3 तुमच्या सहानुभूतीचा त्रास होतोय, टीकेचा धनी बनलेल्या विजय शंकरची प्रेक्षकांना विनंती
Just Now!
X