तमिळनाडूचा जी. आकाश भारताचा ६६वा ग्रँडमास्टर बुद्धिबळपटू ठरला आहे. आंतरराष्ट्रीय बुद्धिबळ महासंघाकडून (फिडे) ग्रँडमास्टर म्हणून आकाशच्या नावावर शिक्कामोर्तब करण्यात आले. चेन्नईच्या आकाशचे ‘फिडे’ क्रमवारीत २४९५ रेटिंग आहे. ‘‘भारताच्या ग्रँडमास्टरच्या यादीत मला स्थान मिळाले याचा अभिमान आहे. यापुढेही मेहनत घेणार असून लवकरच २६०० रेटिंग करायचे आहे. अभियांत्रिकी शिक्षण पूर्ण करायचे असल्याने बुद्धिबळ काही महिने खेळत नव्हतो. मात्र २०१८मध्ये बुद्धिबळात पुनरागमन केले आणि आता ग्रँडमास्टर झालो,’’ असे आकाशने सांगितले.
