News Flash

अँडरसनची अष्टपैलू चमक; न्यूझीलंडने मालिका जिंकली

अ‍ॅडम मिलने याने ८ धावांत ३ तर ग्रँट एलियटने ७ धावांत ३ बळी घेतले.

कोरे अँडरसन  

कोरे अँडरसनच्या अष्टपैलू खेळाच्या बळावर न्यूझीलंडने तिसऱ्या आणि अखेरच्या ट्वेन्टी-२० सामन्यात पाकिस्तानचा ९५ धावांनी पराभव केला आणि तीन सामन्यांची मालिका २-१ अशी जिंकली.

न्यूझीलंडने प्रथम फलंदाजी करताना ५ बाद १९६ अशी आव्हानात्मक धावसंख्या उभारली. मार्टिन गुप्तली (४२) आणि केन विल्यम्सन (३३) यांनी ५७ धावांची सलामी नोंदवल्यावर कोरे अँडसरनने ४२ चेंडूंत ६ चौकार आणि ४ षटकारांसह नाबाद ८२ धावा केल्या.

त्यानंतर पाकिस्तानचा डाव १६.१ षटकांत १०१ धावांत आटोपला. सर्फराझ अहमदने सर्वाधिक ४१ धावा केल्या.

अ‍ॅडम मिलने याने ८ धावांत ३ तर ग्रँट एलियटने ७ धावांत ३ बळी घेतले. अँडरसनने १७ धावांत २ बळी घेतले आणि सामनावीर किताब पटकावला.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on January 23, 2016 4:10 am

Web Title: anderson 82 sets up punishing nz win
टॅग : New Zealand
Next Stories
1 ऑलिम्पिक तिकीट विक्री भारतात सुरू
2 सिंधू, श्रीकांतची उपांत्य फेरीत धडक
3 ट्वेन्टी-२० क्रिकेटने खेळाची परीभाषा बदलली- सचिन
Just Now!
X