जागतिक क्रमवारीत सहाव्या स्थानी असलेल्या केव्हिन अ‍ॅँडरसनने पुढील वर्षी होणाऱ्या महाराष्ट्र खुल्या टेनिस स्पर्धेमध्ये सहभागी होण्याचे मान्य केले आहे. त्यामुळे म्हाळुंगे येथील बालेवाडी स्टेडियममध्ये होणाऱ्या या स्पर्धेत तो आकर्षणाचे प्रमुख केंद्र ठरणार आहे. पाच एटीपी विजेतेपद पटकावल्यानंतर अ‍ॅँडरसन हा जागतिक क्रमवारीत सहाव्या स्थानापर्यंत झेप घेण्यात यशस्वी ठरला आहे. राफेल नदाल, नोव्हाक जोकोव्हिच, ज्युआन मार्टिन डेल पोत्रो, रॉजर फेडरर आणि अलेक्झांडर झ्वेरेव्ह यांच्यापाठोपाठ जागतिक टेनिस क्रमवारीत सहाव्या स्थानावर असलेला अ‍ॅँडरसनने पुन्हा या स्पर्धेत भाग घेण्याचे कबूल केले आहे. गतवर्षी झालेल्या स्पर्धेत अँडरसनसह मरिन चिलिच आणि सिमॉन गाइल्सचाही समावेश होता.
