News Flash

सचिनचा अर्जुन आंतरराष्ट्रीय क्रिकेटसाठी सज्ज! श्रीलंकेविरुद्ध U-19 संघात निवड

अर्जुनचा पहिला आंतरराष्ट्रीय सामना

सचिन आणि अर्जुन तेंडुलकर (संग्रहीत छायाचित्र)

भारतीय क्रिकेट संघाचा माजी खेळाडू आणि मैदानात अनेक विक्रमांची नोंद करणाऱ्या सचिन तेंडुलकरची पुढची पिढी क्रिकेटच्या मैदानात येणार आहे. सचिनचा मुलगा अर्जुन तेंडुलकर याची भारताच्या U-19 संघात निवड करण्यात आलेली आहे. श्रीलंकेविरुद्ध मालिकेसाठी अर्जुनची निवड करण्यात आलेली आहे.

जुलै महिन्यात भारताचा १९ वर्षाखालील संघ श्रीलंका दौऱ्यावर जाणार आहे. या दौऱ्यात भारतीय संघ दोन ४ दिवसीय कसोटी सामने आणि ५ वन-डे सामने खेळणार आहे. अर्जुन तेंडूलकरची या दौऱ्यात कसोटी संघामध्ये निवड करण्यात आलेली आहे. मात्र वन-डे संघात स्थान मिळवायला त्याला जमलेलं नाहीये. आशिष कपूर, ज्ञानेंद्र पांडे, राकेश पारिख यांच्या निवड समितीने अर्जुन तेंडूलकरची संघात निवड केलेली आहे. या दौऱ्यातील कसोटी संघाचं नेतृत्व दिल्लीचा यष्टीरक्षक फलंदाज अनुज रावतकडे देण्यात आलेलं आहे. तर वन-डे संघाचं नेतृत्व आर्यन जुयाल याच्याकडे देण्यात आलंय.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on June 7, 2018 5:37 pm

Web Title: arjun tendulkar named in india u19 squad for sri lanka tour
Next Stories
1 परदेशी खेळपट्टयांवर रहाणे ‘अजिंक्य’च! विराट कोहलीची स्तुतीसुमनं
2 हा व्हिडीओ पाहिल्यावर तुम्हाला सुनील छेत्रीचा आणखी अभिमान वाटेल…
3 ‘आयपीएल’मधील मिस्ट्री गर्ल पुन्हा चर्चेत; म्हणते …
Just Now!
X