साखळी फेरीतील दुसऱ्या सामन्यात भारताने पाकिस्तानवर ८ गडी राखून सहज विजय मिळवला. पाकिस्तानने विजयासाठी दिलेले १६३ धावांचे माफक आव्हान भारतीय फलंदाजांनी पार केले आणि साखळी फेरीत गटात अव्वल स्थान राखले. भारताकडून कर्णधार रोहित शर्माने अर्धशतकी खेळी केली, त्याला सलामीवीर शिखर धवनने ४६ धावा काढून चांगली साथ दिली. या सलामीवीरांच्या बळावर भारताने हा सामना जिंकला. भारताचा पाकिस्तानवरील प्रत्येक विजय हा सुखावणाराच असतो. पण काल सामन्यातील आणखी एक क्षण दोनही चाहत्यांना सुखावणारा होता.

या बातमीसह सर्व प्रीमियम कंटेंट वाचण्यासाठी साइन-इन करा
ई-मेल द्या, नी साइन-अप करा
Already have a account? Sign in

भारताचा फिरकीपटू युझवेन्द्र चहल याने पाकिस्तानी खेळाडूच्या बुटाची लेस बांधली आणि या एका क्षणाने नेटिझन्सनी मनं जिंकली. पाकिस्तानी फलंदाजाला धाव घेण्यासाठी अडचण येत होती. त्यामुळे त्याने चहलला त्याच्या बुटाची लेस बांधण्यास विनंती केली. चहलने क्षणाचाही विलंब न लावता पटकन खाली वाकून त्याच्या बुटाची लेस बांधली.

—

—

—

—

—

दरम्यान, या सामन्यात चहलला गडी बाद करता आला नाही. त्याने सात षटकात ३४ धावा खर्च केल्या. भुवनेश्वर कुमार आणि केदार जाधव यांच्या प्रत्येकी ३ बळींमुळे भारताने पाकिस्तानला १६२ धावांत गुंडाळले.

मराठीतील सर्व क्रीडा बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App.
Web Title: Asia cup 2018 india pakistan fans laud chahals moving on field gesture
First published on: 20-09-2018 at 12:50 IST