बांगलादेशची निर्मिती करण्यासाठी महत्वाची भूमिका बजावलेल्या शेख मुजीब उर-रेहमान यांच्या १०० व्या जन्मदिनाच्या निमीत्त, बांगलादेश क्रिकेट बोर्डाने दोन टी-२० सामन्यांचं आयोजन केलं आहे. आयसीसीने या दोन्ही सामन्यांना आंतरराष्ट्रीय सामन्यांचा दर्जा दिलेला आहे. या स्पर्धेचं वेळापत्रक जाहीर करण्यात आलेलं असून, १८ आणि २१ मार्चरोजी हे सामने, बांगलादेशच्या शेर-ए-बांगला मैदानात खेळवले जाणार आहेत. काही दिवसांपूर्वी हे सामने अहमदाबादच्या मोटेरा मैदानात खेळवण्यासाठी प्रयत्न सुरु होते, पण नंतर हा निर्णय रद्द करण्यात आला. भारतीय संघातील ५ खेळाडू या स्पर्धेत सहभागी होणार आहेत, बीसीसीआयनेही या स्पर्धेसाठी खेळाडूंना परवानगी दिलेली असून.नेमके कोणते खेळाडू या स्पर्धेत सहभागी होतील हे अद्याप जाहीर झालेलं नाही.
