इंडोनेशियात सुरु असलेल्या आशियाई क्रीडा स्पर्धांमध्ये स्क्वॉश प्रकारात कांस्यपदकाची कमाई करणाऱ्या खेळाडूंना तामिळनाडू सरकारने २० लाखांचं इनाम जाहीर केलं आहे. जोश्ना चिनप्पा, दिपीका पल्लीकल, सौरव घोषाल या खेळाडूंना मुख्यमंत्री के. पलानीस्वामी यांनी बक्षिसाची घोषणा केली आहे. देशाचं नाव मोठं करण्यात तुम्ही दिलेलं योगदान अमुल्य असल्याचं म्हणत मुख्यमंत्री कार्यालयाने तिन्ही खेळाडूंना पुढील स्पर्धांसाठी आवश्यक ती सर्व मदत करण्याचं आश्वासन दिलं आहे.