पॅरा ऑलिम्पिक क्रीडा प्रकारांमध्ये भाग घेणाऱ्या भारतीय खेळाडूंना यापुढे आणखी प्रोत्साहन मिळणार आहे. इंदरजितसिंग राव यांच्या अध्यक्षतेखाली स्थापन केलेल्या भारतीय पॅरा ऑलिम्पिक समितीला आशियाई पॅरा ऑलिम्पिक समितीची मान्यता लाभली आहे. त्यामुळे आंतरराष्ट्रीय पॅरा ऑलिम्पिक समितीची मान्यता मिळण्याची शक्यता वाढली आहे. याबाबत माहिती देताना पुढे म्हणाले की, राष्ट्रीय क्रीडा नियमावलीनुसार भारतीय पॅरा ऑलिम्पिक समितीची वार्षिक सर्वसाधारण सभा आयोजित करण्यात आली होती, तसेच नव्याने निवडणुकाही घेण्यात आल्या. त्याला केंद्रीय क्रीडा मंत्रालयाची मान्यता मिळाली आहे. लवकरच आम्हाला आंतरराष्ट्रीय पॅरा ऑलिम्पिक समितीची मान्यता मिळेल अशी मला खात्री आहे.
