आशियाई नौकानयन पात्रता स्पर्धा ओमान येथे झालेल्या आशियाई पात्रता स्पर्धेत लेझर रेडियल प्रकारात अव्वल स्थान प्राप्त करत भारताची नौकानयनपटू नेत्रा कुमाननने टोक्यो ऑलिम्पिकचे स्थान निश्चित केले आहे. ऑलिम्पिकसाठी पात्र ठरलेली ती भारताची पहिली महिला नौकानयनपटू ठरली आहे. २३ वर्षीय नेत्राने आपल्याच देशाच्या राम्या सारावानन हिला जवळपास २१ गुणांमागे टाकत ही कामगिरी केली. नौकानयन या प्रकारात ऑलिम्पिकसाठी पात्र ठरणारी नेत्रा ही भारताची १०वी खेळाडू आहे.
