अखेरच्या क्षणाला ख्रिस सिरिएल्लोने पेनल्टी कॉर्नरचे गोलमध्ये रूपांतर करून विश्वविजेत्या ऑस्ट्रेलियाला जागतिक हॉकी लीग उपांत्य फेरी स्पध्रेचे जेतेपद जिंकून दिले. सिरिएल्लोने ६०व्या मिनिटाला केलेल्या गोलने ऑस्ट्रेलियाने १-० अशा फरकाने यजमान बेल्जियमला पराभूत केले.  बेल्जियमने ऑस्ट्रेलियाला कडवी टक्कर दिली. त्यामुळे  सामना पेनल्टी शूटआऊटमध्ये रंगणार असेच चिन्ह दिसत होते; परंतु अखेरच्या क्षणाला ऑस्ट्रेलियाला पेनल्टी कॉर्नर मिळाला. त्यावर सिरिएल्लोने कोणतीही चूक न करता  गोल करून बेल्जियम चाहत्यांच्या स्वप्नांवर पाणी फेरले.