04 August 2020

News Flash

ऑस्ट्रेलियाकडे ४५९ धावांची आघाडी

कसोटी सामन्याच्या तिसऱ्या दिवशी ऑस्ट्रेलियाने एकूण ४५९ धावांची आघाडी घेतली आहे.

| December 29, 2015 04:53 am

वेस्ट इंडिजविरुद्धच्या दुसऱ्या कसोटी सामन्याच्या  तिसऱ्या दिवशी ऑस्ट्रेलियाने एकूण ४५९ धावांची आघाडी घेतली आहे. तत्पूर्वी वेस्ट इंडिजच्या अखेरच्या चार फलंदाजांनी कडवी झुंज देत संघाला पहिल्या डावात २७१ अशी धावसंख्या उभारून दिली. त्यानंतर दुसऱ्या डावात दिवसअखेर ऑस्ट्रेलियाने ३ बाद १७९ अशी मजल मारली आहे.

वेस्ट इंडिजने ६ बाद ९१ अशा धावसंख्येवरून सुरुवात केली. डॅरेन ब्राव्हो (८१) आणि कालरेन ब्रेथवेट (५९)यांनी सातव्या विकेटसाठी ९० धावांची भागीदारी रचली. फिरकीपटू नॅथल लिऑनने ब्रेथवेटला बाद करत ही जोडी फोडली. त्यानंतर ब्राव्होने तळाच्या फलंदाजांना साथीला घेत संघाला २७१ धावांपर्यंत मजल मारून दिली. ऑस्ट्रेलियाकडून जेम्स पॅटीन्सन आणि लिऑन यांनी प्रत्येकी ४ बळी मिळवले.

दुसऱ्या डावात ऑस्ट्रेलियाची सुरुवात चांगली झाली नाही, त्यांनी ४६ धावांमध्ये दोन्ही फलंदाज गमावले. पण त्यानंतर कर्णधार स्टिव्हन स्मिथ (नाबाद ७०) आणि उस्मान ख्वाजा (५६) यांनी तिसऱ्या विकेटसाठी ७७ धावांची भागीदारी रचली. ऑस्ट्रेलियाने दुसऱ्या डावात आक्रमक फलंदाजी करत दिवसअखेर ३२ षटकांमध्ये तीन फलंदाज गमावत १७९ धावा केल्या आहेत.

 

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on December 29, 2015 4:53 am

Web Title: australia extend lead to 459 runs on day 3
टॅग Australia,Lead
Next Stories
1 स्टोक सिटीचा थरारक विजय
2 पाकिस्तानी नेमबाजपटू भारतात येणार
3 छांगटेचा दुहेरी धमाका
Just Now!
X