कर्णधार मॅथ्यू व्ॉडच्या दमदार शतकाच्या जोरावर ऑस्ट्रेलिया ‘अ’ संघाने तिरंगी मालिकेतील बुधवारी झालेल्या सामन्यात दक्षिण आफ्रिका ‘अ’ संघावर १०८ धावांनी दणदणीत विजय साजरा केला.
येथील एम. ए. चिदंबरम स्टेडियमवर झालेल्या सामन्यात ऑस्ट्रेलियाचा संपूर्ण डाव ४७.२ षटकांत २७२ धावांत गडगडला. ऑस्ट्रेलियासाठी कर्णधार व्ॉडने १०६ चेंडूंत १३० धावांची खेळी केली. त्याला पीटर हँड्सकोम्बने ५२ धावांची खेळी करून चांगली साथ दिली.
या उत्तरात उतरलेल्या आफ्रिकेच्या फलंदाजांना कॅमेरुन बोयेस आणि अ‍ॅस्टन अगरने एकामागोमाग धक्के दिले. त्यामुळे आफ्रिकेला ३७.१ षटकांत सर्वबाद १६४ धावांवर समाधान मानावे लागले. आफ्रिकेचा कर्णधार डीन एल्गर (६४) आणि खाया झोंडो (४७) यांनी संघर्ष दाखवला.

संक्षिप्त धावफलक
ऑस्ट्रेलिया ‘अ’ : सर्वबाद २७२ (मॅथ्यू व्ॉड १३०, पीटर हँड्सकोम्ब ५२; लोनवाबो त्सोत्सोबे ३/५०) विजयी वि. दक्षिण आफ्रिका ‘अ’: सर्वबाद १६४ (डीन एल्गर ६४, खाया झोंडो ४७; कॅमरुन बोयेस ३/४८, अ‍ॅस्टन अगर ३/४१, नॅथन-कल्टर-निले २/८).