क्रिकेटच्या इतिहासात ट्वेन्टी-२० चे विश्वविजेतेपद आम्ही मिळविलेले नाही. हे स्वप्न साकारण्यासाठी व सनसनाटी कामगिरी करण्यासाठीच यंदा आम्ही खेळणार आहोत, असे ऑस्ट्रेलियाचा कर्णधार स्टीव्ह स्मिथने सांगितले. विश्वचषकाबाबत स्मिथ म्हणाला, ‘‘या स्पर्धेसाठी आम्ही पूर्ण तयारीनिशी आलो आहोत. या स्वरूपाच्या सामन्यांमध्ये आम्ही स्थिरावलो आहोत. संघातील पंधराही खेळाडू विजेतेपद मिळविण्याच्याच हेतूने प्रेरित झाले आहेत. आम्ही दक्षिण आफ्रिकेतील मालिकेत ३-१ असा विजय मिळविल्यामुळे खेळाडूंचा आत्मविश्वास उंचावला आहे.’’
