01 October 2020

News Flash

Australian Open : नदाल अंतिम फेरीत; फेडररला मात देणाऱ्या त्सित्सिपासचा केला पराभव

ऑस्ट्रेलियन ओपन स्पर्धेच्या अंतिम फेरीत पाचव्यांदा मारली धडक

राफेल नदाल

स्पेनचा स्टार टेनिसपटू राफेल नदाल याने ऑस्ट्रेलियन ओपन स्पर्धेच्या अंतिम स्पर्धेत पाचव्यांदा धडक मारली. तृतीय मानांकित रॉजर फेडरर याला पराभूत करणाऱ्या स्टेफानो त्सित्सिपास याच्यावर नदालने ६-२, ६-४, ६-० असा एकतर्फी विजय मिळवला. ग्रीसच्या स्टेफानो त्सित्सिपास याने रॉजर फेडररचा ६-७, ७-६, ७-५, ७-६ पराभव केला होता. त्यामुळे नदाललादेखील तो निकराची झुंज देईल अशी चाहत्यांची अपेक्षा होती. मात्र तसे काही घडले नाही. नदालने अतिशय सहजपणे हा सामना खिशात घातला आणि आपल्या २५ व्या ग्रँडस्लॅम फायनलमध्ये धडक मारली.

नदालने दुखापतीतून सावरल्यानंतर या स्पर्धेतून पुनरागमन केले. आजचा सामना सुमारे १ तास आणि ४६ मिनिटे चालला. नदालने पहिला सेट ६-२ असा जिंकला. त्यानंतर दुसऱ्या सेटमध्ये त्सित्सिपासने जोरदार झुंज दिली. तो सेट त्याला ६-४ असा गमवावा लागला. तिसऱ्या सेटमध्येही चांगली झुंज पाहायला मिळेल, अशी चाहत्यांची अपेक्षा होती. पण हा सेट मात्र ६-० असा नदालने जिंकला आणि १८वे ग्रँड स्लॅम मिळवण्याच्या आणखी जवळ पोहोचला.

दरम्यान, तरुण पिढी ही अत्यंत उत्तम कामगिरी करत आहे, त्यामुळे त्यांना कोणत्याही संदेशाची गरज नाही, असे मतही नदालने व्यक्त केले.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on January 24, 2019 4:21 pm

Web Title: australian open rafael nadal into finals of tournament by stefanos tsitsipas
Next Stories
1 मराठमोळ्या स्मृतीच्या शिरपेचात मानाचा तुरा, न्यूझीलंडमध्ये विक्रमी खेळी
2 हॉकी प्रो-लीग मधून पाकिस्तानची गच्छंती, आंतरराष्ट्रीय हॉकी संघटनेची कारवाई
3 IND vs NZ : थोडे कणखर व्हा!; अतिरिक्त सूर्यप्रकाशामुळे खेळ थांबवणाऱ्या खेळाडूंना सल्ला
Just Now!
X