News Flash

चीन खुली बॅडमिंटन स्पर्धा : साईप्रणीत पराभूत

निर्णायक गेममध्ये साईप्रणीतने अ‍ॅन्थोनीला कडवी झुंज दिली.

| September 21, 2019 02:19 am

चेंगझोऊ (चीन) : भारताचे एकमेव आशास्थान उरलेल्या बी. साईप्रणीतला शुक्रवारी चीन खुल्या बॅडमिंटन स्पर्धेतील पुरुष एकेरीच्या उपांत्यपूर्व फेरीतून गाशा गुंडाळावा लागला. साईप्रणीतच्या पराभवासह भारताचेही स्पर्धेतील आव्हान संपुष्टात आले.

ऑगस्ट महिन्यात जागतिक स्पर्धेत कांस्यपदक पटकावणाऱ्या साईप्रणीतला इंडोनेशियाच्या अ‍ॅन्थोनी सिनिसुकाने ५५ मिनिटांत १६-२१, २१-६, २१-१६ असे पराभूत केले. जागतिक क्रमवारीत नवव्या स्थानी असलेल्या अ‍ॅन्थोनीचा उपांत्य फेरीतील सामना डेन्मार्कच्या आंद्रेस अँटोन्सेनशी होणार आहे. या विजयाबरोबरच साईप्रणीत आणि अ‍ॅन्थोनी यांच्यातील सामन्यांची आकडेवारी ३-३ अशा बरोबरीत पोहचली आहे.

२७ वर्षीय साईप्रणीतने दमदार सुरुवात करताना पहिला गेम जिंकला. त्याने विशेषत: नेटजवळून फटक्यांचा सुरेख वापर केला. परंतु दुसऱ्या गेममध्ये अ‍ॅन्थोनीने साईप्रणीतला डोके वर काढण्याची संधीच दिली नाही. त्याने मध्यंतराला ११-५ अशी आघाडी घेऊन २१-६ असा सहज गेम खिशात घातला.

निर्णायक गेममध्ये साईप्रणीतने अ‍ॅन्थोनीला कडवी झुंज दिली.

१३-१२ अशी आघाडी असताना अ‍ॅन्थोनीने सलग चार गुण मिळवून साईप्रणीतवरील दडपण वाढवले व अखेरीस २१-१६ अशा फरकाने गेमसह सामना जिंकला.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on September 21, 2019 2:19 am

Web Title: b sai praneeth loses in quarters of china open zws 70
Next Stories
1 जागतिक  वेटलिफ्टिंग स्पर्धा : जेरेमीची १०व्या स्थानी घसरण
2 भारत ‘अ’ संघाचा मालिकेवर कब्जा
3 २०२१ मधील अपंग क्रिकेटपटूंच्या विश्वचषकाचे यजमानपद भारताला
Just Now!
X