News Flash

ऑल इंग्लंड बॅडमिंटन स्पर्धा : सिंधूकडून पुन्हा निराशा

सिंधूच्या पराभवामुळे भारताचेही स्पर्धेतील आव्हान संपुष्टात आले.

भारताची आघाडीची बॅडमिंटनपटू पी. व्ही. सिंधूचे ऑल इंग्लंड बॅडमिंटन स्पर्धेचे जेतेपद आपल्याकडेच राखण्याचे स्वप्न शनिवारी संपुष्टात आले. थायलंडच्या पोर्नपावी चोचूवाँग हिने महिला एकेरीच्या उपांत्य फेरीत सिंधूचा सहज फडशा पाडला. सिंधूच्या पराभवामुळे भारताचेही स्पर्धेतील आव्हान संपुष्टात आले.

ऑलिम्पिक रौप्यपदक विजेत्या सिंधूला चोचूवाँगचा वेग, उर्जा आणि खेळातील सातत्य याच्याशी बरोबरी साधता आली नाही. त्यामुळे जागतिक क्रमवारीत ११व्या स्थानी असलेल्या युवा चोचूवाँगने सिंधूला ४३ मिनिटांतच २१-१७, २१-९ असे सहज पराभूत केले. जागतिक क्रमवारीत सातव्या स्थानी असलेल्या सिंधूला २०१८मध्येही उपांत्य फेरीतच हार पत्करावी लागली होती.

सिंधूने आक्रमक खेळ करत ३-१ अशी आश्वासक सुरुवात केली. पण चोचूवाँगच्या फटक्यांचा अंदाज न आल्याने सिंधू पिछाडीवर पडत गेली. चोचूवाँगचे काही फटके नेटवर गेल्याने सिंधूला गुण मिळत गेले. अखेर चोचूवाँगने २१-१७ अशा फरकाने पहिला गेम जिंकत सामन्यात आघाडी घेतली. पहिला गेम गमावल्यानंतर दुसऱ्या गेममध्येही सिंधूला खेळ उंचावता आला नाही. चोचूवाँगच्या वेगवान खेळापुढे ती निष्प्रभ ठरली.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on March 21, 2021 3:23 am

Web Title: badminton olympics india dream akp 94
Next Stories
1 भारत-आफ्रिका क्रिकेट मालिका : भारतीय महिला संघाचा आफ्रिकेकडून पराभव
2 रविवार विशेष : अपेक्षांचे ओझे!
3 आशियाई ऑलिम्पिक पात्रता स्पर्धा : शरथ-मनिका जोडी ऑलिम्पिकसाठी पात्र
Just Now!
X