04 July 2020

News Flash

विश्व बॅडमिंटन अजिंक्यपद स्पर्धा : सायना, सिंधू यांच्या कामगिरीबाबत उत्सुकता

अजय जयराम व पारुपल्ली कश्यप यांनी विजयी वाटचाल सुरू केल्यानंतर विश्व बॅडमिंटन अजिंक्यपद स्पर्धेत भारताच्या सायना नेहवाल व पी.व्ही.सिंधू यांच्या कामगिरीबाबत उत्सुकता निर्माण झाली आहे.

| August 7, 2013 06:19 am

अजय जयराम व पारुपल्ली कश्यप यांनी विजयी वाटचाल सुरू केल्यानंतर विश्व बॅडमिंटन अजिंक्यपद स्पर्धेत भारताच्या सायना नेहवाल व पी.व्ही.सिंधू यांच्या कामगिरीबाबत उत्सुकता निर्माण झाली आहे.
महिलांच्या एकेरीत सायना व सिंधू या दोन्ही खेळाडूंना पहिल्या फेरीत पुढे चाल मिळाली होती. दुसऱ्या फेरीत सायनाला रशियाच्या ओल्गा गोबोव्हानोवा हिच्याबरोबर खेळावे लागणार आहे. ओल्गाने पहिल्या फेरीत बेलारुसच्या अ‍ॅलिसिया झैत्सवा हिचा २१-१३, २१-१४ असा पराभव केला होता. सायनाने गतवर्षी ऑलिम्पिक क्रीडा स्पर्धेत कांस्यपदक मिळवल्याने या स्पर्धेत तिच्याकडून पदकाच्या अपेक्षा उंचावल्या आहेत. तिला या स्पर्धेत तिसरे मानांकन मिळाले आहे, तर सिंधूला दहावे मानांकन देण्यात आले आहे. दुसऱ्या फेरीत तिच्यापुढे जपानची खेळाडू काओरी इनावेत्सु हिचे आव्हान असेल. काओरीने पहिल्या फेरीत अ‍ॅप्रिएला मुस्वान्दरी हिच्यावर २१-१८, २१-१० अशी मात केली होती.
जयराम व कश्यप यांनी पुरुषांच्या एकेरीतील पहिल्या फेरीत शानदार विजय मिळविला असून त्यांच्या कामगिरीबाबत उत्कंठा वाढली आहे. जयरामने पहिल्या फेरीत बाराव्या मानांकित विंग कीवोंगवर सनसनाटी विजय मिळविला होता. त्याला आता स्पेनच्या पाब्लो अ‍ॅबियन याच्याशी खेळावे लागणार आहे. पाब्लोने पहिल्या फेरीत ओस्लेनी गुएदेरो या क्युबाच्या खेळाडूचा २१-१४, २३-२१ असा पराभव केला होता. कश्यप याच्यापुढे चेक प्रजासत्ताकचा खेळाडू पेत्र कौकाल याचे आव्हान असणार आहे. पेत्र याने पहिल्या फेरीत एरिक मेजीस (नेदरलँड्स) याला २१-१८, १०-२१, २१-१४ असे हरविले होते.
पुरुष दुहेरीत तरुण कोना व अरुण विष्णु हे नशीबवान ठरले आहेत. पहिल्या फेरीत त्यांना अ‍ॅडम क्रॅलिना व प्रिजेस्लॉव्ह वॉचो (पोलंड) यांच्याकडून पुढे चाल मिळाली. त्यांना दुसऱ्या फेरीत अल्वेन्ट युलियांतो व मार्किस किडो (इंडोनेशिया) यांच्याशी खेळावे लागणार आहे.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on August 7, 2013 6:19 am

Web Title: badminton world championship curiosity over perfarmance of saina sindhu
Next Stories
1 राष्ट्रकुल, अशियाई स्पर्धेच्या तयारीवर क्रीडामंत्री नाराज
2 स्पॉट-फिक्सिंगमुळे चाहत्यांमध्ये फसवणुकीची भावना
3 माझ्या प्रतिक्रियेचा संदर्भ लक्षात न घेतल्याने निराश झालो -द्रविड
Just Now!
X