Rome Ranking Series स्पर्धेत विनेश फोगाट पाठोपाठ भारताच्या पुरुष मल्लांनीही आपला डंका वाजवला आहे. ६५ किलो वजनी गटात बजरंग पुनिया तर ६१ किलो वजनी गटात रवी कुमार दहीयाने सुवर्णपदकाची कमाई केली. अवश्य वाचा - नव-वर्षाची ‘सुवर्ण’सुरुवात, विनेश फोगाट चमकली २५ वर्षीय बजरंगने अंतिम सामन्यात दमदार पुनरागमन करत अमेरिकेच्या जॉर्डन मायकल ऑलिव्हरवर ४-३ ने मात करत यंदाच्या वर्षाचं पहिलं सुवर्णपदक मिळवलं. याआधी उपांत्य फेरीतही बजरंगने अमेरिकेच्याच झेन रेदरफोर्डची कडवी झुंज मोडून काढली होती. या सामन्यातही बजरंगने ५-४ असा विजय मिळवला होता. अंतिम सामना गमावल्यानंतर अमेरिकेच्या कुस्तीपटूनेही बजरंगच्या खेळाचं कौतुक केलं. Wasnt my night. but I got a lot of work to do to be where I want to be ! Hats off to @BajrangPunia dude is heck of a competitor! Until next time my friend! — Jordan Oliver (@that_dude_JO) January 18, 2020 आपल्या ५७ किलो वजनी गटातून न खेळता ६१ किलो वजनी गटाचा पर्याय निवडणाऱ्या रवी कुमार दहीयानेही बहार आणली. कझाकस्तानच्या नुरबोलत अब्दुलायेव्हचा १२-२ ने फडशा पाडला. रवीने आपल्या नवीन वजनी गटात आश्वासक खेळ करत तुल्यबळ प्रतिस्पर्ध्यांना बाहेरचा रस्ता दाखवला. मात्र ७४ किलो वजनी गटात जितेंद्र कुमार आणि ८६ किलो वजनी गटात दीपक पुनिया यांचं आव्हान संपुष्टात आलं.