30 October 2020

News Flash

बजरंग पुनिया २०२० टोकियो ऑलिम्पिकसाठी पात्र

रवी कुमार दहीयानेही पक्क केलं टोकियो ऑलिम्पिकमध्ये स्थान

भारताचा आघाडीचा कुस्तीपटू बजरंग पुनियाने आगामी २०२० टोकियो ऑलिम्पिकसाठी पात्रता मिळवली आहे. जागतिक कुस्ती अजिंक्यपद स्पर्धेत बजरंगने ६५ किलो वजनी गटात उत्तर कोरियाच्या जाँग सोलचा ८-१ ने पराभव केला. या कामगिरीसह बजरंगने ६५ किलो वजनी गटाच्या उपांत्य फेरीत प्रवेश केला आहे. याचसोबत भारताचा आणखी एक मल्ल रवी कुमार दाहीयानेही आपलं टोकियोचं तिकीट पक्क केलं आहे. ५७ किलो वजनी गटात रवी कुमारने गतविजेत्या युकी ताकाहाशीला ६-१ असं नमवत उपांत्य फेरीत प्रवेश केला. रवी कुमारसमोर उपांत्य फेरीत झौर युगूएव्हचं आव्हान असणार आहे.

बजरंग पुनियाला नुकताच मानाचा राजीव गांधी खेलरत्न पुरस्कार जाहीर करण्यात आला होता. जागतिक कुस्ती अजिंक्यपद स्पर्धेतील कामगिरीच्या जोरावरच बजरंगने जागतिक क्रमवारीत अव्वल स्थान पटकावलं होतं. बजरंग पुनियाच्या नावावर राष्ट्रकुल खेळांमध्ये एक रौप्य आणि एक सुवर्णपदक जमा आहे. भारतीय पुरुष मल्लांनी चांगली कामगिरी केली असली, तरीही २०१६ रिओ ऑलिम्पिक कांस्यपदक विजेत्या साक्षी मलिकला पराभवाचा धक्का सहन करावा लागला. ६२ किलो वजनी गटात नायजेरियाच्या प्रतिस्पर्धी खेळाडूने साक्षीला १०-७ असं पराभूत केलं. बुधवारी याच स्पर्धेत विनेश फोगटने आपलं टोकियो ऑलिम्पिकमधलं स्थान पक्क केलं होतं.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on September 19, 2019 5:21 pm

Web Title: bajrang puniya and ravi kumar dahiya qualifies for 2020 tokyo olympic psd 91
टॅग Bajrang Puniya
Next Stories
1 रोहितला मागे टाकत विराट पुन्हा एकदा ठरला सरस, जाणून घ्या ही अनोखी कामगिरी
2 अवघ्या दोन षटकारांच्या खेळीत रोहितच्या नावावर विक्रमाची नोंद, रैनाला टाकलं मागे
3 Video : डेव्हिड मिलर की सुपरमॅन? कर्णधार विराट कोहलीही झाला अवाक
Just Now!
X