विंडीजविरुद्ध चितगाँव कसोटीत बांगलादेशच्या 17 वर्षीय नईम हसनने विक्रमी कामगिरीची नोंद केली आहे. कसोटी पदार्पणात 5 बळी घेणारा नईम सर्वात तरुण गोलंदाज ठरला आहे. याचसोबत नईमने ऑस्ट्रेलियाच्या पॅट कमिन्सच्या नावे असणारा विक्रम आपल्या नावे जमा केला आहे. याचसोबत अशी कामगिरी करणारा नईम आठवा बांगलादेशी गोलंदाज ठरला आहे. Youngest bowler to take five-fer in Tests- 16y 303days- Nasim ul Ghani 17y 257days- Mohammad Amir17y 356days- Nayeem Hasan18y 32days- Enamul Haque jnr.#BANvWI pic.twitter.com/sVWvLnV9sD— Syed Sami on Cricket (@SyedSamiCricket) November 23, 2018 नईमच्या कामगिरीमुळे बांगलादेशने चितगाँव कसोटीवर आपलं वर्चस्व प्रस्थापित केलं आहे. दुपारच्या सत्रात शाकिब अल हसन आणि मेहदी हसन यांना खेळपट्टीची साथ मिळताना पाहून नईमला गोलंदाजीची संधी देण्यात आली. याचा पुरेपूर फायदा उचलत नईमने विंडीजच्या डावाला खिंडार पाडलं. बांगलादेशने केलेल्या 324 धावांचा पाठलाग करताना विंडीजचा संघ 246 धावांवर गारद झाला.