10 August 2020

News Flash

महिला टी२० आशिया चषक : अटीतटीच्या लढतीत भारताचा बांगलादेशकडून पराभव

महिला टी२० आशिया चषक स्पर्धेत आज भारतीय संघाला पहिल्या पराभवाला सामोरे जावे लागले. बांगलादेशच्या संघाने भारतावर ७ गडी राखून विजय मिळवला.

महिला टी२० आशिया चषक स्पर्धेत आज भारतीय संघाला दोन विजयानंतर पहिल्या पराभवाला सामोरे जावे लागले. बांगलादेशच्या संघाने भारतावर २ चेंडू आणि ७ गडी राखून विजय मिळवला. रुमाना अहमदची अष्टपैलू कामगिरी आणि फरगना हकचे नाबाद अर्धशतक याच्या बळावर बांगलादेशने भारताच्या विजयी घोडदौडीला ब्रेक लावला.

नाणेफेक जिंकून भारताने प्रथम फलंदाजीचा निर्णय घेतला होता. कर्णधार मिताली राज (१५), सलामीवीर स्मृती मानधना (२) आणि पूजा वस्त्राकार (२०) या तिघी झटपट बाद झाल्या. मात्र हरमनप्रीत कौरने ४२ धावा केल्या. तिला दीप्ती शर्माने चांगली साथ दिली. दिप्तीने २८ चेंडूत ५ चौकारांसह ३२ धावा केल्या. तर हरमनप्रीतने ३७ चेंडूत ६ चौकारांसह ४२ धावा केल्या. या दोघींच्या खेळीमुळे भारताला २० षटकात ७ बाद १४१ धावा केल्या.

१४२ धावांच्या माफक आव्हानाचा पाठलाग करताना बांगलादेश संघाची सुरुवात थोडीशी डळमळीत झाली. आयेशा रहमान ही १२ धावांवर बाद झाली. मात्र त्यानंतर आलेल्या फरगना हकने अप्रतिम फलंदाजी केली. तिने नाबाद ५२ धावा केल्या. या खेळीत ५ चौकार आणि १ षटकार समाविष्ट होता. दरम्यान, सलामीवीर शमिमा सुलताना ३३ धावांवर बाद झाल्यानंतर लगेचच निगार सुलतानाही १ धाव काढून बाद झाली. अखेर फरगनाने रुमाना अहमदच्या साथीने किल्ला लढवला. आणि शेवटच्या षटकात २ चेंडू राखून सामना जिंकवला.

२१ धावांत ३ गडी टिपणाऱ्या आणि नाबाद ४२ धावा करणाऱ्या रूमाना अहमदला सामनावीर घोषित करण्यात आले.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on June 6, 2018 4:38 pm

Web Title: bangladesh women beat india by 7 wickets in asia cup
टॅग Bangladesh,Sports
Next Stories
1 त्यावेळी रविंद्र जाडेजाला फटकावण्याची इच्छा झाली होती, हिटमॅन रोहित शर्माने दिली कबुली
2 विराट कोहलीला मादाम तुसाँ संग्रहालयात स्थान
3 Intercontinental Cup – भारताचं आमच्यासमोर तगडं आव्हान, छेत्रीच्या खेळानंतर न्यूझीलंडची सावध भूमिका
Just Now!
X