06 April 2020

News Flash

Video : मुलीने बिअरच्या ग्लासमध्ये पकडला कॅच आणि … हा व्हिडीओ पहाच!

हा सामना रंगतदार झालाच. पण या सामन्यातील मुख्य आकर्षण ठरली ही तरुणी.

एखादा सामना सुरु असताना फलंदाजाने फटकावलेला चेंडू प्रेक्षकांमध्ये गेला आणि तो झेल त्यातील एखाद्याने पकडला, हे काही खेळात नवीन नाही. मात्र एका बेसबॉलच्या सामन्यात एक वेगळीच गोष्ट घडली. मंगळवारी सॅन दिएगो पेडर्स आणि अटलांटा ब्रेव्ह्स या दोन संघांमध्ये बेसबॉलचा सामना रंगला. या सामन्यात पेडर्स संघाने १४-१ असा ब्रेव्ह्स संघाचा धुव्वा उडवला. हा सामना रंगतदार झालाच. पण या सामन्यातील मुख्य आकर्षण ठरली ती एक तरुणी.

सामना सुरु असताना हि तरुणी स्टेडियममध्ये प्रेक्षकांमध्ये आरामात बसली होती. आणि आपल्या हातातील बिअरचा आस्वाद घेत होती. त्यावेळी अचानक बॅटरने मारलेला बेसबॉलचा चेंडू तिच्या दिशेने आला आणि अचानक चेंडू तिच्या अगदी जवळ आला. त्यावेळी प्रसंगावधान राखत तिने तो चेंडू बिअरच्या ग्लासमध्ये झेलला. तिची ही कृती पाहून आजूबाजूच्या लोकांनी टाळ्यांचा कडकडाट केला आणि तिचे कौतुक केले.

पण हा सिलसिला इथेच थांबला नाही. प्रेक्षकांचे कौतुक स्वीकारून त्या तरुणीने जे पुढे केले, त्यामुळे तिने खऱ्या अर्थाने साऱ्यांचे लक्ष वेधले. तिने तो चेंडू पडलेला बिअरचा ग्लास हवेत उंच धरला. साऱ्यांना तो ग्लास दाखवला आणि त्यानंतर तीन ती बिअर एका घोटात संपवून टाकली. तिच्या या गोष्टीनंतर मात्र साऱ्यांनी दुप्पट टाळ्या वाजवल्या. काहींनी तर तिचे शूटिंगही केले.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on June 7, 2018 7:04 pm

Web Title: baseball match beer glass catch full empty 1 go
टॅग Beer,Sports
Next Stories
1 रशीदविरुद्ध मैदानावर टिकायचं असेल तर ‘हे’ कराच – लालचंद राजपूत
2 मिताली राजचा अनोखा विक्रम, टी-२० क्रिकेटमध्ये ओलांडला २ हजार धावांचा टप्पा
3 सचिनचा अर्जुन आंतरराष्ट्रीय क्रिकेटसाठी सज्ज! श्रीलंकेविरुद्ध U-19 संघात निवड
Just Now!
X