जोशुआ किमिचने ८२ व्या मिनिटाला केलेल्या निर्णायक गोलच्या बळावर बायर्न म्युनिकने जर्मन सुपर चषक फुटबॉल स्पर्धेच्या अंतिम फेरीत बोरुशिआ डॉर्टमंडला ३-२ असे पराभूत केले. बायर्नने आठव्यांदा या स्पर्धेचे विजेतेपद मिळवले. कॉर्टेन टॉलिसोने १८व्या मिनिटाला पहिला, तर थॉमस म्युलरने ३२व्या मिनिटाला दुसरा गोल झळकावून बायर्नला २-० अशी आघाडी मिळवून दिली. मात्र जुलिआन ब्रँडने (३९ वे मिनिट) गोल नोंदवून डॉर्टमंडची पिछाडी कमी केली. मध्यतरांनतर ५५व्या मिनिटाला एर्लिग हालँडने डॉटमंडसाठी दुसरा गोल झळकावला.
