नवीन वर्षात भारतीय संघाच्या पहिल्या परदेश दौऱ्यासाठी बीसीसीआयने आज आपला संघ जाहीर केला आहे. जानेवारी महिन्याच्या अखेरीस भारतीय संघ न्यूझीलंड दौऱ्यावर जाणार आहे. या दौऱ्यात भारतीय संघ ५ टी-२०, ३ वन-डे आणि २ कसोटी सामने खेळणार आहे. टी-२० मालिकेसाठी भारतीय संघाची रविवारी रात्री उशीरा घोषणा करण्यात आली. अपेक्षेप्रमाणे रोहित शर्माने भारतीय संघात पुनरागमन केलेलं असून युवा यष्टीरक्षक संजू सॅमसनला संघात स्थान मिळालेलं नाहीये. याचसोबत दुखापतीमुळे हार्दिक पांड्याही न्यूझीलंडविरुद्ध मालिकेत संघात स्थान मिळवू शकलेला नाहीये. India's T20I squad for NZ tour announced: Virat Kohli (C), Rohit Sharma (VC), KL Rahul, S Dhawan, Shreyas Iyer, Manish Pandey, Rishabh Pant (WK), Shivam Dube, Kuldeep Yadav, Yuzvendra Chahal, W Sundar, Jasprit Bumrah, Mohd. Shami, Navdeep Saini, Ravindra Jadeja, Shardul Thakur — BCCI (@BCCI) January 12, 2020 असा असेल न्यूझीलंडविरुद्ध टी-२० मालिकेसाठी भारतीय संघ - विराट कोहली (कर्णधार), रोहित शर्मा (उप-कर्णधार), लोकेश राहुल, शिखर धवन, श्रेयस अय्यर, मनिष पांडे, ऋषभ पंत (यष्टीरक्षक), शिवम दुबे, कुलदीप यादव, युजवेंद्र चहल, वॉशिंग्टन सुंदर, जसप्रीत बुमराह, मोहम्मद शमी, नवदीप सैनी, रविंद्र जाडेजा आणि शार्दुल ठाकूर