01 June 2020

News Flash

रोहित शर्मा भारतीय संघासाठी महत्वाचा खेळाडू – सौरव गांगुली

दुसऱ्या टी-२० सामन्यात रोहितची निर्णायक खेळी

रोहित शर्माच्या आक्रमक अर्धशतकी खेळाच्या जोरावर भारताने दुसऱ्या टी-२० सामन्यात बांगलादेशवर ८ गडी राखून मात केली. १५४ धावांचा पाठलाग करताना रोहित शर्माने बांगलादेशी गोलंदाजांचा समाचार घेत ६ चौकार आणि ६ षटकार लगावले. रोहितचा हा शंभरावा टी-२० सामना होता, याआधी भारताकडून कोणत्याही खेळाडूला आंतरराष्ट्रीय क्रिकेटमध्ये अशी कामगिरी करता आलेली नाहीये.

महेंद्रसिंह धोनीने ९८ टी-२० सामने खेळले आहेत. मात्र २०१९ विश्वचषकानंतर धोनीला टी-२० संघात स्थान मिळेल की नाही याबद्दल प्रश्नचिन्ह आहे. दरम्यान रोहितने भारतीय संघाच्या विजयात मोलाचा वाटा उचलला. बीसीसीआय अध्यक्ष सौरव गांगुलीनेही रोहितचं कौतुक केलं आहे. रोहित भारतीय संघासाठी महत्वाचा खेळाडू असल्याचं मत सौरवने आपल्या ट्विटर अकाऊंटवर म्हटलं आहे.

भारतीय महिला टी-२० संघाची कर्णधार हरमनप्रीत कौरनेही १०० आंतरराष्ट्रीय टी-२० सामने खेळले आहेत. त्यामुळे शंभर आंतरराष्ट्रीय टी-२० सामने खेळणारा रोहित दुसरा भारतीय ठरला आहे. दुसऱ्या टी-२० सामन्यात बाजी मारत भारताने मालिकेत १-१ अशी बरोबरी साधली आहे. त्यामुळे १० तारखेला नागपूरच्या मैदानावर होणाऱ्या अखेरच्या सामन्यात कोणता संघ बाजी मारतो हे पाहणं महत्वाचं ठरणार आहे.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on November 8, 2019 3:10 pm

Web Title: bcci president sourav ganguly reserves high praise for rohit sharma psd 91
Next Stories
1 IND vs BAN : ‘तू पण उत्तुंग षटकार मारू शकतोस, फक्त ‘हे’ कर’; रोहितचा चहलला सल्ला
2 China Open : सात्त्विक-चिराग जोडी उपांत्य फेरीत!
3 Video : तिसऱ्या पंचांची चूक अन् रोहितच्या तोंडून निघाली शिवी…
Just Now!
X