28 September 2020

News Flash

आयसीसीच्या बैठकीत बीसीसीआय ‘डीआरएस’ला विरोध करणार

‘डीसिझन रिव्ह्णू सिस्टिम’च्या (डीआरएस) सार्वत्रिक अंमलबजावणीला भारताचा विरोध यापुढेही चालू राहणार आहे. लंडनमध्ये होणाऱ्या आयसीसीच्या वार्षिक बैठकीत बीसीसीआय आपला ‘डीआरएस’विरोधी सूरच आळवणार आहे, असे बीसीसीआयचे

| June 15, 2013 01:01 am

‘डीसिझन रिव्ह्णू सिस्टिम’च्या (डीआरएस) सार्वत्रिक अंमलबजावणीला भारताचा विरोध यापुढेही चालू राहणार आहे. लंडनमध्ये होणाऱ्या आयसीसीच्या वार्षिक बैठकीत बीसीसीआय आपला ‘डीआरएस’विरोधी सूरच आळवणार आहे, असे बीसीसीआयचे सचिव संजय पटेल यांनी सांगितले.
‘‘डीआरएसच्या अंमलबजावणीसाठी अनुकूल होण्याचा प्रश्नच उद्भवत नाही. भारताचे आधीपासूनच धोरण स्पष्ट आहे. कसोटी मालिकेमध्ये डीआरएसच्या वापराला आमचा विरोध आहे. लंडनमध्ये होणाऱ्या बैठकीतही आमची भूमिका कायम असेल,’’ असे पटेल यांनी सांगितले. वार्षिक बैठकीदरम्यान विशेष कार्यकारी अधिकाऱ्यांसाठीसुद्धा होणाऱ्या बैठकीला पटेल हजर राहणार आहेत.
‘‘डीआरएसला विरोध करण्याचा बीसीसीआयच्या कार्यकारिणी समितीच्या बैठकीत सर्वसंमतीने निर्णय घेण्यात आला आहे. कारण आमचा या प्रणालीवर पूर्ण विश्वास नाही,’’ असे पटेल यांनी सांगितले.
रवी सवानी आयोगाच्या अहवालाबाबत पटेल म्हणाले की, ‘‘पुढील आठवडय़ात एस. श्रीशांत, अंकित चव्हाण आणि सिद्धार्थ त्रिवेदी यांना सवानी यांच्यासमोर हजर राहावे लागणार आहे. यावेळी हे तिघे जण आपली बाजू मांडली. त्यानंतरच सवानी आपला अहवाल बीसीसीआयच्या शिस्तपालन समितीकडे सुपूर्द करतील.’’

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on June 15, 2013 1:01 am

Web Title: bcci will oppose drs at the icc meet bcci secy patel
टॅग Bcci
Next Stories
1 आंतरराष्ट्रीय बुद्धिबळ स्पर्धा : ग्रोव्हर, गुजराथी चौथ्या स्थानावर
2 श्रीलंकेचा इंग्लंडवर ७ विकेट राखून विजय
3 कहीं हार ना हो जाये!
Just Now!
X