03 March 2021

News Flash

टीम इंडियासाठी आनंदाची बातमी, कसोटी मालिकेपर्यंत इशांत शर्मा तंदुरुस्त होण्याचे संकेत

NCA मध्ये सराव करतोय इशांत शर्मा

ऑस्ट्रेलियाविरुद्ध मालिकेसाठी सिडनीत दाखल झालेल्या टीम इंडियासाठी एक आनंदाची बातमी आलेली आहे. दुखापतीमुळे आयपीएलच्या तेराव्या हंगामाला मुकलेला इशांत शर्मा कसोटी मालिकेआधी तंदुरुस्त होण्याचे संकेत मिळत आहेत. भारतीय संघाच्या निवडीदरम्यान रोहित शर्मा आणि इशांत शर्मा यांना त्यांच्या दुखापतीमुळे भारतीय संघात स्थान मिळालं नव्हतं. मात्र यानंतर रोहित शर्माचा कसोटी संघात समावेश करण्यात आला.

अवश्य वाचा – Video : उसळत्या चेंडूंचा सराव करण्यासाठी टीम इंडिया करतेय खास सराव

तर बीसीसीआयचे फिजीओ आणि NCA चे अधिकारी इशांतच्या दुखापतीवर लक्ष ठेवून आहेत. पारस म्हांब्रे आणि राहुल द्रविड यांच्या मार्गदर्शनाखाली सराव करणाऱ्या इशांतने गेल्या काही दिवसांमध्ये चांगली प्रगती दाखवली आहे. त्यामुळे कसोटी मालिकेला सुरुवात होईपर्यंत इशांत तंदरुस्त होईल असा अंदाज NCA मधील सूत्रांनी ANI वृत्तसंस्थेशी बोलताना वर्तवला आहे.

विराट कोहलीच्या अनुपस्थितीत इशांत शर्मासारख्या अनुभवी खेळाडूचं संघात असणं हे संघासाठी फायदेशीर ठरु शकतं असं मत NCA च्या अधिकाऱ्यांनी व्यक्त केलं आहे. याच कारणामुळे बीसीसीआयने इशांत शर्माच्या दुखापतीचा अंदाज घेऊन त्याला ऑस्ट्रेलिया दौऱ्यासाठी संघात जागा मिळण्याचा पर्याय खुला ठेवला होता. ९७ कसोटी सामन्यांमध्ये इशांतच्या नावावर २९७ बळी जमा आहेत.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on November 16, 2020 3:21 pm

Web Title: big boost for team india as ishant sharma likely to be fit for australia test series psd 91
Next Stories
1 Video : उसळत्या चेंडूंचा सामना करण्यासाठी टीम इंडिया करतेय खास सराव
2 २१ वर्षीय क्रिकेटपटूची आत्महत्या
3 PSL Video : हारिस रौफकडून आफ्रिदीची शून्यावर दांडी गुल, नंतर हात जोडून मागितली माफी
Just Now!
X