08 August 2020

News Flash

Black Lives Matter : वर्णद्वेषाविरोधात इंग्लंड-वेस्ट इंडिजच्या खेळाडूंनी उठवला आवाज

पहिल्याच दिवशी पावसामुळे खेळ वाया

सामना सुरु होण्याआधी इंग्लंड-विंडीजचे खेळाडू आणि पंचांनी वर्णद्वेषाविरोधात सामुहीक निषेध नोंदवला.

तब्बल ४ महिन्यांच्या कालावधीनंतर बुधवारी आंतरराष्ट्रीय क्रिकेटला सुरुवात झाली आहे. इंग्लंड विरुद्ध वेस्ट इंडिज यांच्यात साऊदम्पटनच्या मैदानात कसोटी सामन्याला सुरुवात झाली आहे. पहिल्या दिवसातला बहुतांश खेळ पावसामुळे वाया गेला असला तरीही इंग्लंड आणि वेस्ट इंडिजच्या खेळाडूंनी सामना सुरु होण्याआधी वर्णद्वेषाविरोधात आवाज उठवला. काही दिवसांपूर्वी अमेरिकेत जॉर्ज फ्लॉयड या कृष्णवर्णीय इसमाला पोलीस कस्टडीत असताना आपला प्राण गमवावा लागला होता.

या घटनेनंतर अमेरिकेत कृष्णवर्णीय बांधव रस्त्यावर उतरले होते. वेस्ट इंडिजच्या खेळाडूंनीही या घटनेविरोधात आवाज उठवत खेळामध्येही वर्णद्वेष होत असल्याचं सांगितलं होतं. ख्रिस गेल, डॅरेन सॅमी या विंडीजच्या खेळाडूंनी आपल्याला वर्णद्वेषाचा सामना करावा लागल्याचं सांगितलं. विंडीज-इंग्लंडचे खेळाडू आणि पंचांनी सामना सुरु होण्याआधी मैदानात एका गुडघ्यावर बसून एक हात उंच करत वर्णद्वेषाला विरोध दर्शवला.

दरम्यान, पावसामुळे सामना सुरु होण्यास विलंब झाला. यानंतर इंग्लंडचा कर्णधार बेन स्टोक्सने नाणेफेक जिंकत प्रथम फलंदाजी करण्याचा निर्णय घेतला. विंडीजने धडाकेबाज सुरुवात करत इंग्लंडला पहिला धक्का दिला. शेनॉन गॅब्रिअलने इंग्लंडच्या डोम सिबलीला भोपळाही न फोडू देता माघारी धाडलं. यानंतर रोरी बर्न्स आणि जो डेनली या फलंदाजांनी बाजू सावरत इंग्लंडला १ बाद ३५ अशी मजल मारुन दिली. यानंतर पावसामुळे पुन्हा एकदा सामना थांबवण्यात आला.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on July 8, 2020 10:49 pm

Web Title: black lives matter west indies and england players raise their voice through silent gesture before match psd 91
Next Stories
1 खेळाडूंच्या फटक्याचा ‘झेड बॅट’द्वारे आढावा
2 पहिली पसंती भारतालाच !! आयपीएल आयोजनावरुन सौरव गांगुलीचं महत्वपूर्ण विधान
3 आशिया चषकाचं आयोजन रद्द, बीसीसीआय अध्यक्ष सौरव गांगुलीची माहिती
Just Now!
X