29 November 2020

News Flash

ब्राझीलचा स्टार फुटबॉलपटू रोनाल्डिनो करोना पॉझिटिव्ह

गेल्या वर्षी भोगावी लागली होती नजरकैदेची शिक्षा

रोनाल्डिनो (फोटो- इन्स्टाग्राम)

ब्राझीलचा महान फुटबॉलपटू रोनाल्डिनो याला करोनाची लागण झाल्याचे त्याने सांगितले. ४० वर्षीय रोनाल्डिनोने करोनाची चाचणी केली होती. त्या चाचणीचा रविवारी निकाल पॉझिटिव्ह आला. रोनाल्डिनोने स्वत: इन्स्टाग्रामच्या माध्यमातून आपण करोना पॉझिटिव्ह असल्याची माहिती दिली. करोना लागण झाल्याची समजल्यावर त्याने स्वत:ला विलगीकरणात ठेवलं असून करोनाची कोणतीही लक्षणं नसल्याचेही त्याने स्पष्ट केलं. तसेच करोनामुक्त होईपर्यंत तो हॉटेल रूमच्या बाहेर पडणार नसल्याचंही त्याने सांगितलं.

रोनाल्डिनो सध्या बेलो होरिझोन्टे शहरात आहे. तिथे तो एका स्पर्धेत अटलेटिको मिनेरो या स्थानिक संघाकडून सहभागी झाला आहे. तिथेच त्याने करोनाची चाचणी करून घेतली आणि त्याचा अहवाल पॉझिटिव्ह आला. “मी बेलो होरिझोन्टेमध्ये काल दाखल झालो. त्यानंतर माझी करोना चाचणी झाली, त्याचा अहवाल पॉझिटिव्ह आला. मला करोनाची कोणतीही लक्षणं नसून मी तंदुरूस्त आहे”, अशी माहिती त्याने दिली.

 

View this post on Instagram

 

De olho nela pro domínio

A post shared by Ronaldo de Assis Moreira (@ronaldinho) on

गेल्या वर्षभराचा काळ रोनाल्डिनोसाठी खूपच कसोटीचा होता. पॅराग्वेमध्ये त्याला बनावट पोसपोर्ट प्रकरणी अटक करण्यात आली होती. त्यानंतर त्याला ५ महिने नजरकैदेत ठेवण्यात आलं होतं. बनावट पोसपोर्ट बाळगत परदेशात प्रवेश केल्याने त्याला त्याचा भाऊ आणि मॅनेजर यांच्यासोबत शिक्षा भोगावी लागली होती.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on October 26, 2020 2:33 pm

Web Title: brazil football star ronaldinho tests positive for covid 19 instagram vjb 91
टॅग Coronavirus
Next Stories
1 सूर्यकुमार ऑस्ट्रेलिया दौऱ्यासाठी विजयवीराच्या भूमिकेत?
2 ऑस्ट्रेलियात कसोटी मालिका जिंकणे आव्हानात्मक!
3 ग्रँडमास्टर किताब पटकावण्याचे भक्तीचे ध्येय!
Just Now!
X