औद्योगिक क्षेत्रातील अग्रणी संस्था आसोचाम यांच्या सहकार्याने पुढील वर्षी भारतात १७ वर्षांखालील गटाची ब्रिक्स चषक फुटबॉल स्पर्धा आयोजित केली जाणार आहे. या स्पर्धेबाबत स्पर्धा संयोजक जोओ वाझ व आसोचामचे सरचिटणीस डी. एस. रावत यांच्यात लवकरच करार होणार आहे. या कराराचे वेळी केंद्रीय क्रीडा सचिव अजित शरण व अखिल भारतीय फुटबॉल महासंघाचे सरचिटणीस कुशल दास हे उपस्थित राहणार आहेत.