बुंडेसलिगा फुटबॉलमध्ये बायर्न म्युनिक शनिवारी डय़ुसेलडॉर्फशी खेळणार आहे. सलग आठव्या विजेतेपदासाठी प्रबळ दावेदार असणाऱ्या बायर्नची रॉबर्ट लेवांडोवस्कीवर प्रामुख्याने मदार आहे. मंगळवारी दुसऱ्या स्थानावर असणाऱ्या बोरुसिया डॉर्टमंडला १-० नमवत बायर्नने सात गुणांची आघाडी मिळवली आहे. करोनानंतर बुंडेसलिगा सुरू झाल्यावर बायर्नने तीनही लढती जिंकून त्यांची हंगामातील दणदणीत कामगिरी कायम ठेवली आहे. अन्य लढत वर्डर ब्रेमेन आणि शाल्के यांच्यात होणार आहे. १८ संघांमध्ये १७व्या स्थानी घसरल्याने ब्रेमेन यंदाच्या हंगामातून स्पर्धेबाहेर पडण्याची शक्यता आहे. आजच्या लढती : शाल्के विरुद्ध वर्डर ब्रेमेन (सायंकाळी. ७ वा.)

बायर्न म्युनिक विरुद्ध डय़ुसेलडॉर्फ (रात्री १० वा.)

थेट प्रक्षेपण : स्टार स्पोर्ट्स सिलेक्ट १ आणि २