News Flash

कॅनडा ओपनमध्ये भारतीय बॅडमिंटनपटू चमकले

कॅनडा ओपनमध्ये भारताची विजयी सुरुवात

एच.एस.प्रणॉय ( संग्रहीत छायाचित्र )

एच.एस.प्रणॉय आणि परुपल्ली कश्यप या भारताच्या जोडगोळीने कॅनडा ओपन बॅडमिंटन स्पर्धेची विजयाने सुरुवात केली आहे. या स्पर्धेत दुसरं मानांकन मिळालेल्या प्रणॉयने आपला मेक्सिकन प्रतिस्पर्धी जॉब कास्टिलीओचा २१-१३, २१-१५ असा धुव्वा उडवला. आगामी सामन्यात प्रणॉयसमोर स्कॉटलंडच्या किरेन मेरिलेसचं आव्हान असणार आहे.

प्रणॉयला या स्पर्धेत तुलनेने सोपा ड्रॉ समोर आल्यामुळे या स्पर्धेत त्याच्याकडून चांगल्या कामगिरीची अपेक्षा केली जात आहे. तर दुसरीकडे परुपल्ली कश्यपने बिगरमानांकीत प्रतिस्पर्ध्यावर २१-१५, २१-५ असा विजय मिळवला. पुढील सामन्यात कश्यपसमोर जपानच्या कोकी वाटानाबे याचं आव्हान असणार आहे.

प्रणॉय आणि कश्यपचा अपवाद वगळता भारताच्या अभिषेक येलेगर, सारंग लखानी, करण राजराजन यांनी आपल्या पहिल्या फेरीचे सामने जिंकले आहेत. तिन्ही नवोदीत खेळाडूंनी आपल्यापेक्षा तुल्यबळ प्रतिस्पर्ध्यांना चांगली लढत देत आपले पहिले सामने जिंकले आहेत. भारताच्या हर्षिल दाणी या एकमेव खेळाडूला कॅनडा ओपनच्या पहिल्या फेरीतून माघार घ्यावी लागली आहे.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on July 12, 2017 8:24 pm

Web Title: canada badminton open 2017 indian badminton star p kashyap h s pranoy enters second round of canada open badminton
Next Stories
1 हॉकीलीग सेमीफायनल स्पर्धेत भारतीय महिला उपांत्यपूर्व फेरीत, चिलीवर १-० ने मात
2 तमिम इक्बालच्या परिवारावर इंग्लंडमध्ये अॅसिड हल्ला?
3 महिला क्रिकेट विश्वात भारताच्या मितालीचं ‘राज’
Just Now!
X