20 September 2018

News Flash

राष्ट्रकुल स्पर्धा २०१८ – भारतीय महिला हॉकी संघाची घोषणा, राणी रामपालकडे संघाचं नेतृत्व

गोलकिपर सविताचं संघात पुनरागमन

राणी रामपाल, भारतीय हॉकी संघाची कर्णधार

ऑस्ट्रेलियातील गोल्ड कोस्ट येथे रंगणाऱ्या राष्ट्रकुल क्रीडा स्पर्धांसाठी हॉकी इंडियाने आज १८ सदस्यीय महिला संघाची घोषणा केली आहे. भारताची सर्वात अनुभवी खेळाडू राणी रामपालकडे भारतीय संघाचं नेतृत्व सोपवण्यात आलेलं आहे. तर गोलकीपर सविताकडे संघाचं उप-कर्णधारपद सोपवण्यात आलेलं आहे. राष्ट्रकुल स्पर्धांसाठी भारतीय महिला संघाची अ गटात वर्णी लागलेली आहे. या गटात भारताला मलेशिया, वेल्स, इंग्लंड आणि दक्षिण आफ्रिका या देशांशी सामना करायचा आहे. भारतीय महिलांचा सलामीचा सामना ५ एप्रिलरोजी वेल्सच्या संघाविरुद्ध होणार आहे.

HOT DEALS
  • Vivo V5s 64 GB Matte Black
    ₹ 13099 MRP ₹ 18990 -31%
    ₹1310 Cashback
  • Nokia 6.1 32 GB Black
    ₹ 14331 MRP ₹ 16999 -16%
    ₹1720 Cashback

दक्षिण कोरिया दौऱ्यात विश्रांती दिलेल्या गोलकीपर सविताने राष्ट्रकुल स्पर्धेसाठी संघात पुनरागमन केलं आहे. भारतीय महिला हॉकी संघाचे मुख्य प्रशिक्षक हरेंद्र सिंह यांनी भारतीय महिलांचा संघ मोठ्या संघांना चकीत करु शकतो असा विश्वास वर्तवला आहे. काल हॉकी इंडियाने राष्ट्रकुल स्पर्धेसाठी भारताच्या पुरुष संघाचीही घोषणा केली होती.

अवश्य वाचा – राष्ट्रकुल स्पर्धा २०१८ – भारतीय हॉकी संघाची घोषणा, सरदार सिंहला वगळलं

राष्ट्रकुल स्पर्धेसाठी असा असेल भारतीय महिलांचा संघ –

गोलकीपर – सविता (उप-कर्णधार), रजनी इटीमार्पू

बचावफळी – दिपीका, सुनिता लाक्रा, दिप ग्रेस इक्का, गुरजीत कौर, सुशीला चानू

मधली फळी – मोनिका, नमिता टोपो, निक्की प्रधान, नेहा गोयल, लिलीमा मिन्झ

आघाडीची फळी – राणी रामपाल (कर्णधार), वंदना कटारिया, लारेमिसामी, नवज्योत कौर, नवनीत कौर, पुनम राणी

First Published on March 14, 2018 1:51 pm

Web Title: commonwealth games 2018 gold coast australia hockey india announced 18 member squad for cwg games rani rampal named captain