पतियाळा येथे भारताच्या बॉक्सिंग संघासोबत असणारे डॉक्टर अमोल पाटील यांना करोना झाला आहे. त्यांना करोना झाल्याने भारताच्या संघातील सहभागी ११ खेळाडूंची करोना चाचणी करण्यात आली. मात्र त्यात त्या खेळाडूंना करोना नसल्याचे सिद्ध झाले आहे. चाचणी करण्यात आलेल्या खेळाडूंमध्ये जागतिक स्पर्धेतील रौप्य पदक विजेता अमित पांघलचाही समावेश आहे. या सर्व खेळाडूंना विलगीकरणात राहण्यास सांगण्यात आले आहे. त्यांची पुन्हा करोना चाचणी घेण्यात येणार आहे. मात्र करोनाबाधित रुग्ण आढळल्याने लवकरच सुरू होणारे सराव शिबीर रद्द होण्याची शक्यता आहे.
