Age us just a Number ही इंग्रजीमधली म्हण मुंबईकर खेळाडू प्रवीण तांबेला अगदी तंतोतंत लागू पडते आहे. प्रवीण सध्या कॅरेबिअन प्रिमीअर लिग स्पर्धेत खेळतो आहे. CPL मधला वयाने सर्वात मोठा खेळाडू…प्रवीण तांबे त्रिंबागो नाईट रायडर्स संघाचं प्रतिनिधीत्व करतो आहे.

६ सप्टेंबर रोजी Trinbago Knight Riders विरुद्ध St Kitts and Nevis Patriots या सामन्यात प्रवीणला संघात स्थान देण्यात आलं होतं. या सामन्यात एक बळी आणि थरारक कॅच पकडत प्रवीण तांबेने पुन्हा एकदा आपण या वयातही तितक्याच जोशाने क्रिकेट खेळू शकतो हे सिद्ध केलं. सातव्या षटकात प्रवीण तांबेने St Kitts and Nevis Patriots च्या बेन डंकचा थरारक झेल टिपला. यानंतर जोशुवा डी-सिव्लाचा बळी घेत प्रवीणने आपल्या संघाला आणखी एक यश मिळवून दिलं.

नाईट रायडर्स संघाने आपला विजयी रथ कायम ठेवत St Kitts and Nevis Patriots संघावर ९ गडी राखून मात केली. कायरन पोलार्डच्या Trinbago Knight Riders संघाने उपांत्य फेरीत आपलं स्थान पक्क केलं असून पहिल्या उपांत्य सामन्यात त्यांची गाठ Jamaica Tallawahs संघाशी पडणार आहे.

अवश्य वाचा – Video : याला म्हणतात नशीब ! बेल पडूनही आंद्रे रसेलला जीवदान…