आतापर्यंत क्रिकेटमध्ये एखाद्या संघाचा डाव कोसळताना आपण पाहिलं असेल. काहीवेळा चांगली सुरुवात झाल्यानंतर एखाद्या संघाची फलंदाजी कोसळते, तर काहीदा पहिल्याच चेंडूपासुन फलंदाज एकामागोमाग एक माघारी परतण्यास सुरुवात होते. मात्र इंग्लंडच्या स्थानिक क्रिकेट क्लब सामन्यात High Wycombe क्रिकेट क्लबचा डाव, पत्त्याच्या बंगल्याप्रमाणे कोसळला. ११ चेंडूत अवघी १ धाव काढून संघाचे ७ फलंदाज माघारी परतले.

१९० धावांचा पाठलाग करताना High Wycombe क्रिकेट क्लबच्या संघाने आक्रमक सुरुवात केली होती. ३ गड्यांच्या मोबदल्यात १८६ धावांचा पल्ला गाठल्यानंतर संघाला विजयासाठी ३ धावांची आवश्यकता होती. मात्र हे साधं आव्हानही High Wycombe संघाला पेलवलं नाही. पुढच्या १२ चेंडूंमध्ये अवघी १ धाव काढून संघाचे उर्वरित फलंदाज माघारी परतले.

केरॉन जोन्स या गोलंदाजाने १९ व्या षटकात ४ बळी घेतले. यानंतर High Wycombe संघाला पुढचं आव्हान पेलवलं नाही. Peterborough संघाने सामना जिंकत ECB National Club Championship स्पर्धाही जिंकली